ماڭعىستاۋ دالاسىنان تابىلعان يتبالىقتار تەڭىزگە جىبەرىلدى
الەۋمەتتىك جەلىلەردى شۋلاتقان تەڭىز تاعىسىن ەكى كۇن بۇرىن قاراجانباس كەنىشىنەن كەلە جاتقان ازامات تاۋىپ العان ەدى. سونداي- اق سولتۇستىك بوزاشى كەنى ماڭىندا جۇرگەن يتبالىقتىڭ بالاسىن كەزدەستىرگەن قايىرىمدى جاندار ونى كورپەگە وراپ، تەڭىزگە جەتكىزدى. وڭىرلىك ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى ماماندارىنىڭ ايتۋىنشا، ايازدى اقپاندا تولدەيتىن يتبالىق كىسى قولىنا وڭاي تۇسەدى. كىندىگى قاتىپ، مۇزدا جاتقان تىرشىلىك يەسىن ايدالاعا تاستاپ كەتۋ ەرىككەننىڭ ەرمەگى بولۋى دا مۇمكىن. دەگەنمەن، ولاردى ايدىنعا قويا بەرگەندەردىڭ جاناشىرلىعى كوپكە ۇلگى.
قۋانعالي ارشاقوۆ، وبلىستىق ورمان شارۋاشىلىعى اۋماقتىق ينسپەكتسياسى باسشىسىنىڭ ورىنباسارى:
- دارمەنسىز ماقۇلىقتى دالاعا اپارىپ تاستاۋعا قاتىستى اكىمشىلىك جازا جوق. دەگەنمەن، بۇل ادامگەرشىلىككە جاتپايتىن قىلىق. ال ولاردىڭ زاڭسىز اۋلاپ، قول تۇسكەندەرگە 50 ا ە ك دەيىنگى ايىپپۇل سالىنادى. تىكۇشاقتىڭ بولماۋىنان، يتبالىق تولدەيتىن تەڭىز ايماقتارىن قاداعالاپ وتىرۋ مۇمكىن ەمەس.
www.24.kz