بايان ەسەنتايەۆا مالديۆ ارالدارىندا سۇيىكتىسىمەن دەمالىپ ءجۇر - فوتو
«قالاي ءومىر ءسۇرۋدى ۇيرەتپەڭىزدەرشى، وتىنەمىن. سىزدەردىڭ ۋاعىزدارىڭىزعا، اشۋ-ىزا مەن وزگە دە جاعىمسىز سوزدەرىڭىزگە مۇقتاج ەمەسپىن. ماڭدايعا جازىلعانى سىزدەر ارالاسپاي-اق، بولىپ قويعان. سىزدەردىڭ دە تاعدىرلارىڭىزعا مەنىڭ ەش قاتىسىم جوق»، - دەپ جازدى پروديۋسەر Instagram جەلىسىنە.
سونىمەن بىرگە، بايان جاريالانىمعا پىكىر قالدىرۋ قىزمەتىن ءوشىردى جانە جازباسىن بىلاي دەپ تولىقتىردى: «ءبىر- بىرىمىزگە قۇرمەتپەن قاراۋدى ۇيرەنبەيىنشە، ارامىزداعى ءبىر جاقتى بايلانىس وزگەرمەيدى. كوپتەگەن وقىرماندارىمنىڭ مادەنيەتى مەن تاربيەسى كوڭىل كونشىتەرلىك ەمەس. ال مەنىڭ ءومىرىم توقتاپ قالعان جوق، ءدال قازىر ەڭ عاجاپ جەردە جۇمىس ىستەپ، شىعارماشىلىقپەن اينالىسىپ، ءسۇيۋدى جالعاستىرۋدامىن».
ودان كەيىن بايان ەسەنتايەۆا سۇيىكتىسىمەن بىرگە تۇسكەن سۋرەتىن جاريالاپ، «بۇكىل الەم قارسى بولسا دا، ءسۇي»، - دەگەن رومانتيكالىق جازبا قالدىردى.
ەسكە سالا كەتسەك، بايان ەسەنتايەۆا سوتقا بۇرىنعى كۇيەۋى باقىتبەك ەسەنتايەۆقا قاتىستى ۇكىمدى قايتا قاراۋ تۋرالى ءوتىنىش بەردى. الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ايەلىنە بىرنەشە جەرىنەن پىشاق جاراقاتىن سالعان باقىتبەك ەسەنتايەۆقا قاتاڭ رەجىمدەگى كولونيادا 9 جىلعا باس بوستاندىعىنان ايىرۋ تۋرالى ۇكىم تاعايىنداعان بولاتىن.