ول ادامدىڭ ومىرىنە قاۋىپ توندىرەتىن نەمەسە كوزدى سوقىر ەتەتىندەي ۋلى ەكەنى انىقتالدى. الايدا 350 بوتەلكە ىشىمدىك بۇعان دەيىن ساتىلىپ كەتكەن، دەپ حابارلايدى dw.com. گەرمانيانىڭ باتىسىنداعى سولتۇستىك رەين- ۆەستفاليا فەدەرالدىق جەرىنىڭ تۇتىنۋشىلار قۇقىعىن قورعاۋ مينيسترلىگى Diamond Vodka دەپ اتالاتىن جاساندى اراقتى ىشپەۋدى ەسكەرتۋدە. مينيسترلىكتىڭ سايتىندا ورنالاستىرىلعان رەسمي حابارلاندىرۋدا ساتىلىپ كەتكەن مەتانولى بار ىشىمدىك ومىرگە قاۋىپتى ەكەن. ىشىمدىككە جۇرگىزىلگەن ساراپتاما ونىڭ ءبىر ليترىندە 15 گرام مەتانول بار ەكەندىگىن انىقتاعان، بۇل ەڭ جوعارى رۇقسات ەتىلگەن كورسەتكىشتەن 400 ەسە كوپ.