الماتى وبلىسىندا ۇيدە وتىرعان ايەلدەر اسا قاۋىپتى قىلمىستى اشىپ بەردى
بۇل تۋرالى ك ت ك حابارلايدى.
الاياقتار وزدەرىن گاز شارۋاشىلىعىنىڭ قىزمەتكەرلەرىمىز دەپ تانىستىرىپ، اقشا جيناعان. ولاردىڭ وزدەرىمەن بىرگە بارلىق قۇجاتتارى بولعان سوڭ ەش كۇدىك تۋدىرماعان.
ءمادينا قوجابەرگەنوۆانىڭ ۇيىنە الاياقتار وتكەن اپتادا كەلىپتى. ەكى ەر ادام وزدەرىن گاز شارۋاشىلىعىنىڭ قىزمەتكەرلەرىمىز دەپ تانىستىرعان. ولار پەشتى تەكسەرىپتى. ءار نۇكتەسىن قاراعانى ءۇشىن 800 تەڭگەدەن العان.
«گاز قۇبىرى دۇرىس جالعانىپ تۇر ما دەپ تەكسەردى. تولىقتاي تەحنيكالىق باقىلاۋ جۇرگىزگەندەرىن ايتىپ، بارلىعى ستاندارت بويىنشا، زاڭدى دەپ كەتتى»، - دەيدى ايەل.
كومسومول اۋىلىنداعى وسى كوشەدە 40 قا جۋىق ءۇي بار. سول كۇنى ولار بۇكىل ۇيگە كىرىپ شىققان. گاز قۇبىرى بۇل كوشەدە ءتورت جىل بۇرىن پايدا بولىپتى. تۇرعىنداردىڭ ايتۋىنشا، وسى ۋاقىت ىشىندە بىردە-ءبىر مارتە تەحنيكالىق تەكسەرۋ جۇرگىزىلمەگەن. الاياقتار اتقارىلعان جۇمىس اكتىسىن، فيسكالدى تۇبىرتەكتى ءتىپتى، قىزمەتتىك كۋالىكتەرىن دە كورسەتكەن.
«مەن كازسيكتە ورنالاسقان گاز شارۋاشىلىعىنا دەرەۋ حابارلاستىم. ولار ەشقانداي تەكسەرىس جۇرگىزبەگەنىن راستادى»، - دەيدى جانار ءابدىرازاقوۆا ەسىمدى تۇرعىن.
الاياقتار سول كۇنى-اق ۇستالادى. ءبىر قىزىعى ولاردى ىزدەۋمەن قۇقىق قورعاۋ ورگاندارى ەمەس، تۇرعىنداردىڭ وزدەرى اينالىسقان. ءبىراق، بىرنەشە ساعاتتان سوڭ ولاردى قايتا بوساتا سالعان.
«ۋچاسكەلىك پوليتسيا ولاردى ەش نەگىزسىز ۇستاپ وتىرا المايتىنىن ايتىپ، بوساتتى. ءبىز ۆيدەوعا ءتۇسىرىپ الۋ كەرەكپىز دەگەندە بارىپ، ول راسىمدەۋگە كەتتى»، - دەيدى ءمادينا قوجابەرگەنوۆا.
ال بالعىن قۇلتاسوۆا بولسا ءتارتىپ ساقشىلارىنا سەنۋدەن قالعان. وتكەن جىلى ونىڭ ۇيىنە ۇرى تۇسكەن. قاراقشىلار التىن اشەكەي، پلازمالىق تەلەديدار، اقشا، قىمبات تون سەكىلدى بارلىق باعالى زاتتى ۇپتەپ كەتىپتى. بالعىن مىنا گاز قىزمەتكەرلەرى دە سونداي ەمەس پە دەپ قاۋىپتەنەدى.
«بۇل قۇددى ءبىر جاڭا تولقىن سەكىلدى. بايلانىستارى بار. بۇل مەنىڭ پىكىرىم. ءبىراق، ءبىر قاراعاندا ولار بىرنارسەمەن شۇعىلدانىپ، گاز قاراپ جۇرەدى»، - دەيدى بالعىن.
پوليتسەيلەر بولسا ەكى قىلمىسكەردى ۇستاعاندارىن ايتىپ، تۇرعىنداردى سابىرعا شاقىرىپتى. قازىر ولاردان سۇراۋ الىپ جاتىر ەكەن.
«كۇدىكتىلەر 65 جانە 87 -جىلى تۋعان تالعار مەن قاراساي اۋداندارىنىڭ تۇرعىندارى. ق ر ق ك 190 -بابى بويىنشا سوتقا دەيىنگى تەكسەرۋ باستالدى»، - دەپ حابارلادى الماتى وبلىستىق ءى ءى د باسپا ءسوز قىزمەتىنىڭ جەتەكشىسى ايمان مىرزەكوۆا.
الايدا تۇرعىندار الاياقتار ءۇشىن ءادىل جازا تاعايىندالماي قالا ما دەپ كۇدىكتەنەدى. تۇرعىنداردىڭ ايتۋىنشا، ولارعا اقشالارىن قايتارىپ بەرىپ، ءىستى جاۋىپ تاستاۋدى دا ءوتىنىپتى.