شىمكەنتتىك انيماتورلاردىڭ «قازاق ەلى» تۋىندىسى كايردە توپ جاردى
انيماتسيالىق فيلمدە قازاق حاندىعىنىڭ نەگىزىن قالاعان كەرەي مەن جانىبەكتىڭ بالالىق شاعى مەن ەل باسقارعان كەزدەرىنە دەيىنگى ارالىق قامتىلعان. «ساق جەبە» كينوستۋدياسىنىڭ انيماتورلارى مۋلتفيلمگە سوڭعى ۇلگىدەگى 2D جانە 3D تەحنولوگيالارىن قولدانعان. قازاق حاندىعىنىڭ 550 جىلدىعىنا وراي جاسالعان تۋىندى وتكەن جىلدىڭ مامىر ايىنان باستاپ كورسەتىلىمگە شىقتى. ال، مىسىرداعى 50 دەن استام ەلدىڭ انيماتسيالىق جۇمىستارى قاتىسقان بايقاۋدا تۋىندى قازاق تىلىندە كورسەتىلىپتى. سوعان قاراماي الەمنىڭ نازارىن وزىنە اۋدارعان.
باتىرحان داۋرەنبەكوۆ، «قازاق ەلى» انيماتسيالىق فيلمىنىڭ رەجيسسەرى:
- كانن فەستيۆالىنىڭ كوركەمدىك كەڭەسشىسى بريدجو سانتوس دەگەن رەجيسسەر بولدى، سول كىسى ايتادى: «بۇنى بارلىق ەلدەردە كورسەتۋ كەرەك، ويتكەنى مىناۋ پاتريوتتىق تاقىرىپ، بارلىق ەلدەرگە، بارلىق ەلدەردىڭ بالالارىنا ءتان نارسە. وسى جاعىنان العان كەزدە بۇل وتە ۇتىمدى. بىرىنشىدەن، سىزدەردىڭ تاريحتارىڭىزدى ءبىلىپ جاتىرمىز، ەكىنشىدەن، ءبىزدىڭ بالالارعا دەگەن بەرەر تاربيەسى مول» دەپ ءتۇسىنىپ جاتىر.
www.24.kz