ا ق ش- تاعى قازاقستاندىق اسىراندى بالالاردىڭ ءومىرى تۋرالى فيلمنىڭ تۇساۋى كەسىلدى - كەسكىن
كارتينادا ا ق ش ازاماتتارى اسىراپ العان قازاقستاندىق بالالاردىڭ ءومىرى باياندالادى، دەپ حابارلايدى قازاقپارات. جاس رەجيسسەر قانات بايسەكەيەۆتىڭ بۇل جوباسى جونىندە بۇعان دەيىن حابارلاعان بولاتىنبىز. 40 مينۋتتىق فيلم اعىلشىن تىلىندە، ورىس سۋبتيترلارىمەن جارىققا شىقتى. اۆتوردىڭ ايتۋىنشا، فيلمدى تۇسىرۋگە 5 مىڭ ا ق ش دوللارى قاجەت بولعان. كراۋدفاندينگ كومپانياسى ارقىلى حالىق وعان بۇل قاراجاتتى 5 كۇندە جيناپ بەرگەن. «مەنىڭ شىعارماشىلىعىممەن تانىس اۋديتوريام، كورەرمەندەرىم مەنى قولدادى. العاشقى تولەمدى الىشەر ەلىكبايەۆ جاسادى، وسىلايشا، الەۋمەتتىك جەلىنىڭ وزگە دە قولدانۋشىلارىنا قاراجات جىبەرۋلەرىنە ۇيىتقى بولدى. اۋدارىمدار 5-500 دوللار ارالىعىندا جاسالدى»، - دەيدى ول.
فيلم امەريكانىڭ ۆيردجينيا، يللينويس، سولتۇستىك كارولينا، وڭتۇستىك كارولينا، كاليفورنيا، ميسسۋري، نيۋ-يورك جانە پەنسيلۆانيا شتاتتارىندا ءتۇسىرىلدى. وندا 7 مەن 21 جاس ارالىعىنداعى 8 كەيىپكەردىڭ (ميلان دامير رۋوپولي، انەليا، نوا الدانىش كومپتون، گابريەللا گرەيس ريد، نيكولاس ماندينو، ايليم مەلودي ۋنا گەريگ، سەريك روتمان، دجوردان رۋستەم گولدمان) ءومىرى باياندالعان.
سونداي- اق امەريكالىق وتباسىلار قازاقستاندا بالا اسىراپ الۋعا جاريالانعان موراتوري تۋرالى، مەملەكەت مۇنداي شەشىمگە نە ءۇشىن كەلگەندىكتەرى جونىندە وي قوزعايدى. «قازاقستاننان اسىراپ الىنعان بالالاردىڭ امەريكاداعى ءومىرىن اڭگىمەلەيمىن. «امەريكالىق مادەنيەتكە قالاي بەيىمدەلدى، قازاقستان ەستەرىندە قالدى ما، ءوز وتاندارىن قالاي ەلەستەتەدى جانە قازاقستانداعى ءومىرى تۋرالى نە بىلەدى؟» دەگەن سۇراقتار توڭىرەگىندە سۇحباتتار ءوربىدى. ولاردىڭ بارلىعى اسىراندى ەكەندىكتەرىن بىلەدى، تىم ەرتە جاستان امەريكاعا كەتكەنمەن، ءوز وتاندارى تۋرالى ازداعان ەستەلىكتەرى دە بار»، - دەيدى جاس رەجيسسەر.
«فيلمدى جالعىز ءتۇسىردىم. ءوزىم رەجيسسەر، وپەراتور، مانتاجداۋشى، رەداكتور، جۋرناليس، پروديۋسەر بولدىم. ارينە، ماعان پوستپروداكشن كەزىندە جىگىتتەر قولداۋ جاسادى»، - دەپ اتاپ ءوتتى اۆتور.
قانات بەيسەكەيەۆتىڭ سوزىنە قاراعاندا، جوبا كوممەرتسيالىق ەمەس جانە جاس رەجيسسەرلەردى شابىتتاندىرۋعا، از اقشاعا جاقسى دۇنيە تۇسىرۋگە بولاتىنىن تۇسىندىرۋگە ارنالعان. وسى سەبەپتى «Bala» دەرەكتى فيلمى رەسمي تۇردە تۇساۋى كەسىلگەننەن كەيىن ينتەرنەت جەلىسىنە ورنالاستىرىلدى.
اۆتور: گۇلميرا الياكپاروۆا