اتاقتى ءارتىس ورمەكشىنى قالاي جەدى - كەسكىن

استانا. قازاقپارات - كامبودجاعا بارعان امەريكاندىق اكتريسا اندجەلينا دجولي ءوز بالالارىمەن بىرگە وزگەشە تاماق تۇرىنەن، ياعني قۋىرىلعان ورمەكشىلەردەن جانە باسقا دا جاندىكتەردەن ءدام تاتقان.

اتاقتى ءارتىس مۇنى «بي- بي- سيگە» بەرگەن سۇحباتى كەزىندە ىستەدى. تۇسكى تاماق جايلى ۆيدەوجازبا Twitter- دە BBC News (World پاراقشاسىندا جاريالاندى. سۇحبات بارىسىندا امەريكاندىق كەلىنشەك، جەرگىلىكتى حالىق 1967 -جىلدان 1975 -جىلعا دەيىن سوزىلعان ازاماتتىق سوعىس كەزىندە جاندىكتەردى جەۋگە ءماجبۇر بولعاندىعىن ەسكە سالدى.

دجولي كامبودجادا «الدىمەن ولار مەنىڭ اكەمدى ءولتىردى» دەگەن كارتينانىڭ رەجيسسەرى رەتىندە جۇمىس جاساۋ ءۇشىن كەلگەن. وسى ساپارىندا الەمگە تانىمال ونەر يەسى العاش رەت برەد پيتتپەن اجىراسۋ پروتسەسى جايلى دا اڭگىمەلەدى.

ونىڭ سوزىنە قاراعاندا، ايىرىلىسۋ ەكەۋىنە دە وڭاي تيمەگەن. ءبىراق بۇعان قاراماستان، ولار ءارقاشاندا ءبىر جانۇيا بولىپ قالا بەرمەك جانە ءبىر-ءبىرىن ۇنەمى قولداپ جۇرەتىن بولادى. سونداي-اق ورتاق بالالارىن بىرگە تاربيەلەمەك. 41 جاستاعى دجولي مەن 52 نى ەڭسەرگەن پيتت ءۇش اسىراندى بالا: كامبودجا تۋماسى مەددوكستى، ۆەتنامدىق پاكستى جانە ەفيوپيادان زاحاردى تاربيەلەۋدە. سونىمەن قاتار بۇل جۇپتىڭ بيولوگيالىق ءۇش بالاسى بار: قىزى شايلو، ەگىز نوكس پەن ۆيۆەن.

اۆتور: ەرلان قوجاكەلديەۆ