گولوۆكيننىڭ ەستەن تاندىرا نوكاۋتقا تۇسىرگەن ساتتەرىن جەلىگە سالدى - كەسكىن
جارتى ساعاتتىق روليكتى ءوزىنىڭ YouTube-ارناسىنا OBSESSED پايدالانۋشى 20 -اقپاندا ورنالاستىردى. رەيتينگتى 25- پوزيتسيامەن، لوندوندا ( ۇلى بريتانيا) گولوۆكيننىڭ بريتاندىق كەلل برۋكپەن وتكىزگەن 2016 -جىلعى قىركۇيەكتەگى سوڭعى ايقاسى اشادى.
بۇل جەكپە- جەك 5 -راۋندتا تەحنيكالىق نوكاۋتپەن قازاقستاندىق بوكسشىنىڭ جەڭىسىمەن اياقتالعان بولاتىن. بەسىنشى ورىندا - 2006 -جىلعى 6 -مامىردا ديۋسسەلدورفتا (گەرمانيا) بولعان گابوروم بالوگپەن ايقاس. وندا گولوۆكين 1-راۋندتا (4 راۋندتىق ايقاس) قارسىلاسىن نوكاۋتقا تۇسىرگەن ەدى. ءتورتىنشى نوزيتسيادا - 2014 -جىلعى 18 -قاراشادا كاليفورنيادا (ا ق ش) ۇيىمداستىرىلعان مەكسيكاندىق انتونيو رۋبيومەن ايقاس. جەڭىس قارسىلاسىن ەكىنشى راۋندتا (12 راۋندتىق ايقاس) سۇلاتىپ سالعان گەننادي گولوۆكينگە بۇيىردى.
ءۇشىنشى ورىندا - گ9 دەكابريا 2011 -جىلعى 9 -جەلتوقساندا گەرمانيانىڭ كيل قالاسىندا وتكەن گولوۆكين - سايمون كەزدەسۋى. GGG امەريكاندىق لاحۋان سايموندى 1-راۋندتا (12 راۋندتىق ايقاس) ەستەن تاندىردى. ەكىنشى ورىن 2008 -جىلى 29 -اقپاندا گەرمانيانىڭ گامبۋرگ قالاسىندا بولعان وڭتۇستىك افريكالىق بوكسشى تشەپو ماشەگومەن جەكپە-جەگىنە بەرىلدى. ول 1-راۋندتا قازاقستاندىق بوكسشىنىڭ جەڭىسىمەن اياقتالدى.
ال ءبىرىنشى ورىندا - گولوۆكيننىڭ 3 -راۋندتا جاپوندىق نوبۋحيرو يسيدانى ەستەن تاندىرعان (مونتە- كارلو، موناكو، 30.03.2013 ج. ) ايقاس.
ەسكە سالا كەتسەك، 18 -ناۋرىزدا ورتا سالماقتاعى WBA (Super) ، IBO، WBC جانە IBF نۇسقالارى بويىنشا الەم چەمپيونى قازاقستاندىق بوكسشى گەننادي گولوۆكين (36-0، 33 ك و) جانە وسى سالماقتاعى WBA چەمپيونىنىڭ «تۇراقتى» بەلبەۋىنىڭ يەگەرى امەريكاندىق دەنيەل دجەيكوبسپەن (32-1, 29 ك و) جەكپە-جەگى جوسپارلانىپ وتىر.
اۆتور: ەرلان قوجاكەلديەۆ