ە. ساعاديەۆ: ورىس مەكتەپتەرىندەگى بالالاردىڭ قازاقشا سويلەمەۋى - ماڭىزدى پروبلەمانىڭ ءبىرى
بۇل تۋرالى ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى Baq.kz ءتىلشىسى.
«قازاق بالالارىنىڭ 90 پايىزى قازاقشا وقىپ جاتىر. بۇگىنگى تاڭدا نازار اۋداراتىن اسا ماڭىزدى پروبلەمانىڭ ءبىرى - ورىس مەكتەپتەرىندە وقيتىن بالالاردىڭ قازاقشا سويلەمەيتىندىگى. سول مەكتەپتەرگە ارنالعان، جاڭا عىلىمي نەگىزدە جاسالعان دەڭگەيلىك- كوممۋنيكاتيۆتىك ادىستەمە جاسالدى. الداعى وقۋ جىلىنان باستاپ پيلوتتىق جوبا رەتىندە كەي مەكتەپتەردە ەنگىزە باستايمىز. ناتيجەسى ويداعىداي بولسا، 2018 -جىلدان باستاپ جاپپاي ەنگىزۋگە بولادى»، - دەيدى ە. ساعاديەۆ.
ونىڭ ايتۋىنشا، قازاق ءتىلىن ۇيرەتەتىن موبيلدى قوسىمشا جاسالعان. سوزدىك مينيمۋمدار ەنگىزىلۋدە.
«ەندى ەرەجەلەردى جاتتاپ الىپ، ماتىندەردى ويلانباي اۋدارا سالۋعا جول بەرىلمەيدى. بالالاردىڭ قازاق تىلىندە نەعۇرلىم تەزىرەك سويلەۋى باستى نازاردا بولادى. سونىمەن بىرگە پيلوتتىق جوبا رەتىندە Soyle.kz موبيلدى قوسىمشاسى جاسالدى. اركىم ءوزىنىڭ ۇيالى تەلەفونىنا جۇكتەپ، ورناتا الادى»، - دەيدى مينيستر.
بەك تولەۋوۆ
baq.kz