جامبىل وبلىسىنداعى «وڭتۇستىك» وڭىرلىك قولباسشىلىعىندا قازا تاپقان اسكەريلەرمەن قوشتاستى
دەپ حابارلايدى «قازاقپارات» ح ا ا ءتىلشىسى.
جامبىل وبلىسى اكىمدىگىنىڭ باسپا ءسوز قىزمەتى حابارلاعانداي، قازا تاپقان اسكەريلەردىڭ ءمايىتى تۋىستارىنا جەتكىزىلەدى. جەرلەۋ ءراسىمىنىڭ ۋاقىتىن وتباسىلاردىڭ وزدەرى شەشەدى.
قازا تاپقانداردىڭ تورتەۋى جامبىل وبلىسىندا تۇراتىندىعى بەلگىلى. 24 جاستاعى كەلىسىمشارت قىزمەتىندەگى قاتارداعى جاۋىنگەر تىلەۋجان كەڭەسوۆ، 22 جاستاعى قاتارداعى جاۋىنگەر ماقسات شاكەن، 26 جاستاعى ەفرەيتور مۇحيت تۇرىسماعانبەتوۆ - جۋالى اۋدانىنىڭ، 25 جاسار كىشى سەرجانت اۋەسباي ەرىسبايەۆ - تاراز قالاسىنىڭ تۋماسى.
الماتىلىق اعا لەيتەنانت الىشەر موشابايەۆ پەن كىشى سەرجانت ماقسات قىدىربايەۆ نەبارى 26 جاستارىندا كوز جۇمدى. 29 جاستاعى كىشى سەرجانت ءامىر ارالبايەۆ و ق و تۇرعىنى بولعان.
بۇرىن حابارلانعانداي، جامبىل وبلىسىنداعى كوكساي شاتقالىندا ءوتىپ جاتقان 91678 اسكەري ءبولىمى اسكەري قىزمەتشىلەرىنىڭ جاۋىنگەرلىك دايىندىعى بويىنشا جوسپارلى ساباعى بارىسىندا كۇتپەگەن جەردەن قار كوشكىنى ورىن الدى. ق ر قورعانىس ءمينيسترى ساكەن جاسۇزاقوۆ باستاعان ۇكىمەت كوميسسياسى جۇما كۇنى قار كوشكىنى سالدارىنان اسكەري قىزمەتشىلەر قازا تاپقان جامبىل وبلىسىنا كەلدى. كوميسسيا مۇشەلەرى وقيعا ورنىندا توتەنشە جاعدايدىڭ سەبەبىن انىقتاپ، قازا تاپقانداردىڭ وتباسىنا كومەك كورسەتۋ جۇمىستارىن ۇيىمداستىرۋمەن اينالىسادى. قازا تاپقان اسكەريلەردىڭ وتباسىلارىنا وتەماقى بەرىلەدى. اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 51 - بابىنا سايكەس اسكەري قىزمەتتىك مىندەتتەرىن ورىنداۋ كەزىندە قازا بولعان (قايتىس بولعان) جاعدايدا سوڭعى قايتىس بولار (قازا بولار) كۇنى اتقارعان لاۋازىمىنا سايكەس 5 جىلدىق اقشالاي ۇلەس كولەمىندە ءبىر رەتتىك وتەماقى تولەۋ قاراستىرىلعان.
بۇل ماسەلە ق ر پرەمەر- ءمينيسترى باقىتجان ساعىنتايەۆتىڭ جەكە باقىلاۋىندا.