عالىمدار: تاعى بىرنەشە جىلدان سوڭ جەر بەتىندە مامونتتار پايدا بولادى
10:47, 18 - اقپان 2017
استانا. قازاقپارات - گارۆارد ۋنيۆەرسيتەتىنىڭ عالىمدارى تاعى بىرنەشە جىلدان سوڭ مامونتتاردى تىرىلتە الاتىندىعىن حابارلادى.
بۇل تۋرالى The Telegraph اگەنتتىگىنە سىلتەمەمەن «حابار 24» حابارلايدى. عالىم دجوردج چەرچ باستاعان توپ مۇز بولىپ قاتىپ قالعان جانۋارلاردىڭ گەندەرىن قازىرگى ازيالىق پىلدەردىڭ حروموسومالارىنا سالۋ ارقىلى وسى ناتيجەگە قول جەتكىزبەك.
زەرتتەۋشىلەردىڭ سوزىنە قاراعاندا، بۇل تالپىنىس وسىدان 4 مىڭ جىل بۇرىن جەر بەتىنەن جويىلىپ كەتكەن سۇتقورەكتىلەردى قايتا تىرىلتۋگە سەپتىگىن تيگىزەدى. بەلگىلى بولعانداي، چەرچ 2015 -جىلدان باستاپ مامونتتاردى تىرىلتۋگە ارنالعان Woolly Mammoth Revival جوباسىن باسقارادى.