اسقار مامين استاناداعى قورعانىس- ونەركاسىپ كەشەنى كاسىپورىندارىن ارالادى

استانا. قازاقپارات - بۇگىن ق ر پرەمەر- ءمينيسترىنىڭ ءبىرىنشى ورىنباسارى اسقار مامين استاناداعى قورعانىس- ونەركاسىپ كەشەنىنىڭ ءبىرقاتار كاسىپورىندارىن ارالادى،

دەپ حابارلايدى primeminister.kz.

 «قازاقستان اۆياتسيالىق يندۋسترياسى» ج ش س ارالاۋ بارىسىندا ا. مامينگە Airbus Military C-295 ، ان 26، ان 72، ان 74 سياقتى اۆياتسيالىق تەحنيكانى جاساۋ، قۇراستىرۋ، جوندەۋ، تەحنيكالىق قىزمەت كورسەتۋ جانە ساتۋعا مامانداندىرىلعان كاسىپورىننىڭ قىزمەتى تۋرالى باياندالدى.

 مۇندا اسكەري ماقساتتاعى ۇشقىشسىز ۇشۋ اپپاراتتارىن ءوندىرۋ جانە شىعارۋ رەتكە كەلتىرىلگەن. سونداي- اق قازاقستاننىڭ اسكەري- اۋە كۇشتەرى تەحنيكاسى - سۋ 25، سۋ 27، سۋ 30-عا قىزمەت كورسەتۋ جانە جوندەۋ، جەڭىل موتورلى ۇشاقتاردى قۇراستىرۋ جانە سەرۆيس جۇرگىزىلەدى.

 «ەۆروكوپتەر قازاقستان ينجينيرينگ» ج ش س كاسىپورنىندا «قازاقستان ينجينيرينگ» ۇ ك» ا ق باسقارما ءتوراعاسى ە. ىدىرىسوۆ پرەمەر- ءمينيستردىڭ ءبىرىنشى ورىنباسارى ا. مامينگە تىكۇشاق تەحنيكاسىن جاساۋعا، قۇراستىرۋعا، جوندەۋگە، تەحنيكالىق قىزمەت كورسەتۋگە جانە ساتۋعا مامانداندىرىلعان كاسىپورىننىڭ جۇمىسى تۋرالى باياندادى. قازىرگى ۋاقىتتا مۇندا «قازاۆياقۇتقارۋ» ا ق مەن ق ر قورعانىس مينيسترلىگىنە ارناپ 26 تىكۇشاق قۇراستىرىلعان. تىكۇشاق تەحنيكاسىن شىعاراتىن زاۋىت جانىندا اۆياتسيالىق وقۋ ورتالىعى جۇمىس جاسايدى، وندا قازاقستاننان، سونداي- اق بۇكىل ورتالىق ازيادان ماماندار كەلىپ وقيدى.

 سونىمەن قوسا ا. مامين بروندالعان دوڭگەلەكتى ماشينالار مەن زاماناۋي برونترانسپورتەرلەر شىعاراتىن «قازاقستان پاراماۋنت ينجينيرينگ» ج ش س- ندە بولدى. كاسىپورىن ق ر قارۋلى كۇشتەرىن الدىڭعى قاتارلى تەحنيكامەن تولىق قامتاماسىز ەتۋگە، ءوندىرىستى بارىنشا وقشاۋلاۋعا جانە ءونىمدى حالىقارالىق نارىقتارعا ەكسپورتتاۋعا باعىتتالعان.

ءوندىرىستىڭ بارلىق تەحنولوگيالىق ۇدەرىسى يگەرىلگەن، ينجەنەرلىك- تەحنيكالىق قۇرام قالىپتاستىرىلعان، تاپسىرىس بەرۋشىلەردىڭ قاجەتتىلىكتەرىن تۇتاستاي قاناعاتتاندىرۋدىڭ كونسترۋكتورلىق بيۋروسى قۇرىلعان.

 قورعانىس ونەركاسىبى كەشەنىنىڭ تاعى ءبىر نىسانى - «قازاقستان اسەلسان ينجينيرينگ» ج ش س. مۇندا ا. ءماميندى ق ر  ق ك قورعانىس قابىلەتىن ارتتىرۋعا بايلانىستى «جول كارتاسىن» ىسكە اسىرۋ بارىسى تۋرالى، جاڭا تەحنيكا مەن قارۋلاندىرۋدىڭ تاجىريبەلى ۇلگىلەرىن قۇرۋ مەن جاڭعىرتۋ جۇمىستارى تۋرالى اقپاراتتاندىردى.

ساپار قورىتىندىسى بويىنشا، ق ر پرەمەر- ءمينيسترىنىڭ ءبىرىنشى ورىنباسارى ا. مامين قازاقستاندا وندىرىلگەن اسكەري تەحنيكانىڭ ەكسپورتتىق الەۋەتىن ودان ءارى ارتتىرۋ جۇمىستارىنا باسا نازار اۋدارۋدى تاپسىردى.