ءتۇرلى ەلدەردىڭ جانتۇرشىگەرلىك سالتتارى - فوتو

 استانا. قازاقپارات - ءار ۇلتتىڭ وزىنە ءتان مادەنيەتى، ادەبى، ۇستانىمدارى بار. بۇل قالىپتى جاعداي. الايدا كەيبىر ەلدەردەگى سالتتاردى ناعىز قورلىققا بالايسىڭ. سونداي سالتتاردىڭ بىرنەشەۋىن نازارلارىڭىزعا ۇسىنامىز.

وق پەن قۇمىرسقامەن جاقىن تانىستىق

امازوندىق تايپانىڭ بىرىندە ۇلدار بەلگىلى ءبىر جاسقا تولعاندا ءوز باتىلدىعىن دالەلدەۋى كەرەك. ول ءۇشىن ءتىرى وق- قۇمىرسقا سالىنعان قولباقتى كيىپ، بيلەۋى قاجەت. جاندىكتىڭ وق- قۇمىرسقا دەپ اتالۋىنىڭ سەبەبى ونىڭ ءبىر شاققانداعى اۋىرتپالىعى وقپەن جاراقاتتاعانمەن بىردەي.

تايپۋسام

فەستيۆالدا تاميلدىقتار دەنەسىنىڭ بىرنەشە جەرىن تەسىپ، سول كۇيىندە مالايزياداعى باتۋ ۇڭگىرىنە تاۋاپ ەتۋگە بارادى.

 بۋتانداعى تۇنگى اڭشىلىق

جىلىنا ءبىر رەت جىگىتتەر كۇيەۋگە شىقپاعان قىزدىڭ جاتىن بولمەسىنە جاسىرىن كىرەدى. ەگەر ولاردى باسقا بىرەۋ كورىپ قويسا، قىز بەن جىگىت ۇيلەنەدى نەمەسە بەلگىلى ءبىر ۋاقىت ارالىعىندا قىزدىڭ وتباسى ەگىستىكتە جۇمىس ىستەۋى كەرەك.

يانوماميدەگى جەرلەۋ ءراسىمى

بۇل تايپادا ءبىر ادام قايتىس بولسا ونىڭ دەنەسىن ورتەپ، كۇلىن ارنايى دايىندالعان سورپامەن ارالاستىرادى. ول دايىن بولعاندا وتباسى مۇشەلەرى ونى ءىشۋى كەرەك. يانومامي تايپاسىنىڭ ويىنشا قايتىس بولعان ادامنىڭ جانى سول كەزدە تىنىش تابادى.

ءتىستى ەگەۋ، بالي

نەكەگە تۇراردىڭ الدىندا قىزدىڭ ءتىسىن ەگەيدى. بۇل اشۋ، ىزا جانە ت. ب جامان ەموتسيالاردى باقىلاۋعا ۇيرەتەدى دەگەن تۇسىنىك بار.

 بالانى لاقتىرۋ،ءۇندىستان

كەيبىر جۇپتار جاڭادان تۋىلعان نارەستەسىن 15 مەتر بيىكتىكتەن لاقتىرىپ، ماتامەن ۇستاپ الادى. وسىلايشا ءبۇلدىرشىن قۇدايدان باتا الادى دەپ ەسەپتەيدى.

دايىنداعان: اسەم المۇحانبەت

http://qamshy.kz