قىتايلىق كومپانيا كوكشەتاۋدا جىلۋ- ەنەرگيا ورتالىعىن سالۋعا نيەتتى
كەزدەسۋدە تاراپتار كوكشەتاۋدا جىلۋ- ەنەرگيا ورتالىعىن سالۋ مۇمكىندىكتەرىن قاراستىردى. وسى رەتتە، وبلىس اكىمىنىڭ ءبىرىنشى ورىنباسارى لي حونگ مىرزا باستاپ كەلگەن قىتايلىق كومپانيا وكىلدەرىنە وبلىستىڭ ەكىجاقتى ارىپتەستىك ورناتۋعا قىزىعۋشىلىق تانىتقان ينۆەستورلار ءۇشىن اشىق ەكەنىن اتاپ ءوتتى. اسىرەسە، جاڭا ءوندىرىس ورىندارى اشىلىپ، ونەركاسىپ سالاسى قارقىندى دامىپ، كوپقاباتتى تۇرعىن ۇيلەر بوي تۇزەپ كەلە جاتقان كوكشەتاۋ قالاسى ءۇشىن جىلۋ ورتالىعىن سالۋعا نيەتتى ينۆەستورلارعا اكىمدىك تاراپىنان بارىنشا جاعداي جاسالىنىپ، قولداۋ كورسەتىلەتىن ەسكەرتتى.
«قالامىز كۇننەن كۇنگە دامىپ كەلەدى. سول سەبەپتى جىلۋ، ەنەرگيا كوزدەرىنە دەگەن سۇرانىس ارتا تۇسۋدە. جاقىن ۋاقىتتا جىلۋ- ەنەرگيا ورتالىعىن سالماساق، بىرەر جىلدان كەيىن قالادا جىلۋ جانە ەنەرگيا كوزدەرىنىڭ تاپشىلىعى بولۋى مۇمكىن. بىزگە وسىعان دەيىن بىرنەشە كومپانيا كەلىپ، ينۆەستيتسيا سالۋ تۋرالى ءوز مۇمكىندىكتەرىن ۇسىندى. دەگەنمەن، ءبىز ولارعا بىردەن تالاپتارىمىزعا ساي اتالعان جوبانىڭ جۇزەگە اسىرۋعا نيەتتى الەۋەتتى كومپانيا تابىلىپ جاتسا، سولارمەن جۇمىس ىستەيتىنىمىزدى ەسكەرتتىك. بىزگە ەڭ باستىسى، وزىمىزدە شىعارىلاتىن كومىردى پايدالانعان ءتيىمدى. بۇل ءبىر جاعىنان، ورتالىقتى وتىنمەن ءۇزىلىسسىز قامتاماسىز ەتۋگە مۇمكىندىك بەرسە، ەكىنشىدەن كوپتەگەن تۇراقتى جۇمىس ورنى، ءارى قارجى وزىمىزدە قالادى»، دەدى داۋرەن ادىلبەكوۆ ءوز سوزىندە.
كەزدەسۋدە قىتايلىقتار ءوز مۇمكىندىكتەرىن ۇسىنىپ، جىلۋ ەنەرگيا ورتالىعىن سالىپ بەرۋگە دايىن ەكەنىن جەتكىزدى. لي حونگ مىرزانىڭ سوزىنە قاراعاندا، الپاۋىت كومپانيا وتىزعا جۋىق كومانيالاردىڭ باسىن بىرىكتىرەدى.
«ءبىزدىڭ «Westers POWER CHINA» كومپانيامىز قىتايداعى جەكەمەنشىك كومپانيالاردىڭ ىشىندە ەڭ ءىرىسى. قۇرامىمىزداعى كومانيالار الەمنىڭ ءار ەلىندە ورنالاسقان. قىتايمەن بىرگە، ءۇندىستان، يندونەزيا ءتارىزدى ەلدەردە جىلۋ- ەنەرگيا ورتالىقتارىن سالىپ بەردىك. ۇسىنىستارىمىز سىزدەردىڭ تالاپتارىڭىزدان شىعىپ جاتسا، سىزدەردىڭ قالالارىڭىزدا دا وسىنداي ورتالىق سالۋعا دايىنبىز»، - دەدى لي مىرزا.
وسى ورايدا، جوباعا قاتىستى ۇسىنىس- پىكىرلەردى مۇقيات تىڭداي كەلە، وبلىس اكىمىنىڭ ءبىرىنشى ورىنباسارى داۋرەن ادىلبەكوۆ نىساننىڭ ەڭ باستىسى، ەكولوگيالىق جاعىنان ءتيىمدى بولۋىن العا تارتتى. سونداي- اق، ناقتىلى ءبىر شەشىم قابىلداماستان بۇرىن، جوبانىڭ بارلىق نۇسقالارىن ەگجەي- تەگجەيلى سارالاپ بارىپ، سوسىن عانا ناقتى ءبىر توقتامعا كەلۋ جونىندەگى كەسىمدى پىكىرىن ايتتى. اسىرەسە، ينۆەستورلارعا سالىنعان ينۆەستيتسيانىڭ قايتارىمى بولۋى ءۇشىن بىزدەگى تاريفتىڭ باعاسىنىڭ ارزان ەكەنىن ەسكەرتە كەلە، مەملەكەتتىك- جەكەمەنشىك سەرىكتەستىك اياسىندا قاراستىرۋ ءتيىمدى ەكەنىن العا تارتتى.
سونىمەن قاتار، داۋرەن ادىلبەكوۆ ينۆەستورلارعا كوكشەتاۋ قالاسىن جىلۋمەن قامتاماسىز ەتىپ وتىرعان ر ك 1 جانە ر ك 2 اۋدانارالىق جىلۋ قازاندىقتارىن ارالاپ، ناقتى جاعدايدى كوزبەن كورۋدى ۇسىندى.
ەسكە سالا كەتەيىك، وسىعان دەيىن يزرايل كومپانياسى، ا ق ش، ليۆيا جانە تۇركيانىڭ بىرلەسكەن كومپانياسى جانە قىتايلىق ەنەرگيامەن جابدىقتاۋ «حايۋان» جانە جەڭىل ونەركاسىپ سالاسىنداعى ينجەنەرلىك
«China Machineru Engineering Corporation» ءتارىزدى كورشى مەملەكەتتەن كەلگەن ونداعان كومپانيالار اتالعان جوباعا قىزىعۋشىلىق تانىتىپ، وبلىس باسشىلىعىمەن ەكىجاقتى كەزدەسۋلەر وتكىزگەن بولاتىن.
ازىرگە، اتالعان نىساننىڭ قۇرىلىسىن قاي كومپانيا قاشان قولعا الاتىنى بەلگىسىز. الداعى ۋاقىتتا وبلىس اكىمدىگىنىڭ قويىپ وتىرعان تالاپتارىنا ساي جۇمىس جاسايتىن كومپانياعا باسىمدىق بەرىلەتىنى ءسوزسىز.
اۆتور: اسلان وسپانوۆ