سامسۋنگ باسشىسى جەمقورلىق ءۇشىن تۇتقىنعا الىندى
رەنحاپ اگەنتتىگىنىڭ مالىمدەۋىنشە، ءىس بويىنشا سوت شەشىمى شىققانشا كورپوراتسيا باسشىسى ەل استاناسىنان 15 شاقىرىم جەردەگى يىۆان قالاسىنىڭ تۇرمەسىندە بولادى.
ءىستى تەرگەۋ 28 -اقپانعا دەيىن اياقتالۋى ءتيىس جانە وڭتۇستىك كورەيا پرەزيدەنتىنىڭ مىندەتىن اتقارۋشى پرەمەر- مينيستر حۆان گە اننىڭ كەلىسىمىمەن ءبىر ايعا عانا ۇزارتىلا الادى. جەمقورلىق داۋى 2016 -جىلدىڭ قازان ايىندا تۇتانعان بولاتىن. باسىلىم بەتتەرىندە Samsung جانە وزگە دە وڭتۇستىك كورەيلىك ءىرى كورپوراتسيالاردىڭ ۇكىمەتتەن جەڭىلدىك العانى، قايتارىم رەتىندە پرەزيدەنتتىڭ قۇربىسى سوي سۋن سيل قۇرعان قورلارعا ءىرى كولەمدە قاراجات اۋدارعاندارى تۋرالى اقپارات جاريالاندى.
حابارلانعانداي، ەشقانداي مەملەكەتتىك لاۋازىمدى يەلەنبەگەن ايەل ءوزىنىڭ جوعارى بايلانىستارىن پايدالانا وتىرىپ، پرەزيدەنت اكىمشىلىگى ىستەرىنە ارالاسقان جانە پايدا تاپقان.