ديماش قۇدايبەرگەن كەلەسى اينالىمدا جۇرتتى تاعى شۋلاتتى
بۇل تۋرالى قىتايدىڭ الەۋمەتتىك جەلىلەرى جارىسا جازىپ جاتىر. وتانداسىمىز بۇل اينالىمدا الەمگە تانىمال ءانشى لارا فابياننىڭ رەپەرتۋارىنان «Adagio» ءانىن ورىنداپ، ءبىرىنشى ورىندى يەلەنگەن.
« ءسۇيىنشى! ديماش تاعى شۋلاتتى! ءبىرىنشى ورىن! كەشە «Singer» بايقاۋىنىڭ كەلەسى اينالىمى ءوتتى. ديماش پيانينومەن «Adagio» ءانىن وتە جوعارى دەڭگەيدە ورىنداپ، كورەرمەندەردى جىلاتتى. ءاننىڭ ورتاسىنا كەلگەندە جۇرتتىڭ ءبارى ورىندارىنان تۇرىپ، قول سوقتى. «ديماش، ديماش» ، دەپ جانكۇيەرلەردىڭ ايعايلاعان ءۇنى ءبىر ساتكە تولاستامادى» ، - دەپ جازىلعان قىتايداعى Wechat الەۋمەتتىك جەلىسىندە.
ايتا كەتەيىك، بۇعان دەيىن ديماشتىڭ ونەرىنە ءتانتى بولعان الەمگە تانىمال ءانشى لارا فابيان ونى وزىمەن كەزدەسۋگە شاقىرعانىن جازعان بولاتىنبىز.
«Singer» بايقاۋىنىڭ 5-كەزەڭى استانا ۋاقىتىمەن 18 -اقپان كۇنى ساعات 20.30-دا Hunan.TV تەلەارناسىنان كورسەتىلەدى. بۇل كەزەڭدە ديماش قۇدايبەرگەن «Uptown Funk» انىمەن بەسىنشى ورىندى يەلەنگەن ەدى.
اۆتور: ريزابەك نۇسىپبەك ۇلى