قانات يسلامنىڭ شارشى الاڭعا شىعاتىن ناقتى ۋاقىتى انىقتالدى

استانا. قازاقپارات - 17- اقپاندا قانات يسلام برازيليالىق بوكسشى روبسون اسسيسپەن شارشى الاڭعا شىعاتىن ناقتى ۋاقىتى انىقتالدى، دەپ حابارلايدى قازاقپارات ءتىلشىسى.

جەرلەسىمىزدىڭ جەكپە-جەگىن «قازاقستان» جانە «كازسپورت» ارنالارى تىكەلەي ەفيردەن كورسەتەدى. جەكپە-جەك قازاقستان ۋاقىتى بويىنشا 18- اقپان تاڭعىسىن بولادى. وسىعان بايلانىستى ترانسلياتسيا 07:55 تە باستالادى.

بۇل كەشتىڭ باستى جەكپە-جەگىندە 48 جاستاعى اتاقتى بوكسشى كىشى روي دجونس 46 جاستاعى بوببي گاننمەن جۇدىرىقتاسادى. جەڭىمپاز WBF تۇجىرىمى بويىنشا چەمپيوندىق بەلبەۋدى تاعادى.

ەسكە سالايىق، قانات يسلام الداعى جەكپە-جەگىنە فيلادەلفيادا جاتتىقتى، بۇگىن قارسىلاستار ماتچالدى باسپا ءسوز ءماسليحاتىن وتكىزىپ، سالماقتارىن ولشەيدى.

كۇنسۇلتان وتارباي