داريعا نازاربايەۆا ازىق- تۇلىك ونىمدەرىنە ساۋدا ۇستەمەسىن زاڭدى تۇرە شەكتەۋدى ۇسىندى
د. نازاربايەۆا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى باسىم باعىتتاردىڭ ءبىرى اگروونەركاسىپ كەشەنىن دامىتۋ ەكەنىنە كەزدەسۋگە قاتىسۋشىلاردىڭ نازارىن اۋداردى.
ازىق- تۇلىك قاۋىپسىزدىگىنىڭ يندەكسىنە سايكەس، (The Global Food Security Index) قازاقستان 2016 - جىلدىڭ قورىتىندىسى بويىنشا رەيتينگكە قاتىسقان 113 ەلدىڭ اراسىندا 68 - ورىندى (2015 -جىلى 109 ەلدىڭ ىشىندە 56 - ورىندا بولدى) العان بولاتىن.
اۋىل- شارۋاشىلىعى ءمينيسترىنىڭ ءبىرىنشى ورىنباسارى ق. ايتۋعانوۆ ەلدىڭ ازىق- تۇلىككە سۇرانىسىن وتاندىق ءوندىرىس ەسەبىنەن قامتاماسىز ەتۋ جانە اگروونەركاسىپ كەشەنىن مەملەكەتتىك قولداۋ شارالارى تۋرالى سەناتورلاردى حاباردار ەتتى.
بايانداماشى نەگىزگى ازىق- تۇلىك تاۋارلارىمەن ىشكى نارىقتى قامتاماسىز ەتۋ جاعدايى 80 پايىزدى قۇرايتىنىن اتاپ ءوتتى. بۇل رەتتە كۇرىش، قوي ەتى، جۇمىرتقا، استىق، نان، ارپامەن 100 پايىز قامتاماسىز ەتىلۋدە. ىشكى نارىقتاعى ەت تە (قۇس ەتىنەن باسقا) يمپورتقا تاۋەلدى ەمەس.
سونىمەن بىرگە وتاندىق ءوندىرىستىڭ جەكەلەگەن ونىمدەرى ىشكى تۇتىنۋ بارىسىندا ءالى دە تومەن دەڭگەيدە قالىپ وتىر. ول - قۇس ەتى (51,8 پايىز)، سارى ماي (68,3 پايىز)، ىرىمشىك پەن سۇزبە (56,5 پايىز)، كۇنباعىس مايى (72,9 پايىز)، كولباسا ونىمدەرى (58,7 پايىز)، الما (58,0 پايىز)، بالىق (65,5 پايىز).
سەناتورلار س. جاقسىبەكوۆ، ي. ادىربەكوۆ، ل. كيينوۆ، م. التىنبايەۆ م. كوبەنوۆ، گ. كيم ازىق- تۇلىك قاۋىپسىزدىگىن قامتاماسىز ەتۋ جانە اگروونەركاسىپ كەشەنى جۇمىسىن جەتىلدىرۋ جونىندەگى ءوز ۇسىنىستارىن ايتتى. دەپۋتاتتار اۋىل شارۋاشىلىعى نەسيەلەرىن ءتيىمدى پايدالانۋ، وتاندىق ونىمدەردى، عىلىمي- زەرتتەۋ ينستيتۋتتارىنىڭ جۇمىسىن قولداۋ، اۋىل شارۋاشىلىعى سالاسىن زاڭنامالىق تۇرعىدا قامتاماسىز ەتۋ ماسەلەلەرىن كوتەردى.
كوميتەت ءتوراعاسى د. نازاربايەۆا ازىق- تۇلىك ونىمدەرىنىڭ قىمباتتاۋىنا الاڭداۋشىلىق ءبىلدىردى جانە «ازىق- تۇلىك ونىمدەرىنە ساۋدا ۇستەمەسىن زاڭدى تۇردە شەكتەۋ قاجەت» ەكەنىن اتاپ ءوتتى.
اۆتور: سەرىك قاراجان