ماڭگىلىككە حارام بولعان ايەلدەر

 استانا. قازاقپارات  - ەر ازاماتتىڭ ۇيلەنۋىنە تىيىم سالىنعان، ول ءۇشىن ۇيلەنۋ تۇرعىسىنان ماڭگىلىككە حارام سانالاتىن ايەلدەر قان جاعىنان، ءسۇت ەمۋ جولىمەن جانە وتاۋ قۇرۋ سەبەبىمەن ۇشكە بولىنەدى. بۇل قۇراندا بىلاي ايتىلعان:

«سەندەرگە ءوز انالارىڭمەن، تۋعان قىزدارىڭمەن، اپكە- قارىنداستارىڭمەن، اكەلەرىڭنىڭ اپكە- قارىنداستارىمەن، انالارىڭنىڭ اپكە- سىڭىلىلەرىمەن، تۋعان باۋىرلارىڭنىڭ قىزدارىمەن، ءسۇت انالارىڭمەن ەمشەكتەس اپكە- قارىنداستارىڭمەن، قايىن ەنەلەرىڭمەن جانە جاقىنداسىپ قويعان ايەلدەرىڭنەن تۋعان قولدارىڭداعى وگەي قىزدارىڭمەن نەكەلەسۋ حارام ەتىلدى. ال جاقىنداسپاي تۇرىپ اجىراسىپ كەتكەن ايەلدەرىڭنىڭ قىزدارىنا ۇيلەنەڭدەر كۇنا بولمايدى. سونداي- اق، سەندەر ءۇشىن بەل بالالارىڭنىڭ جۇبايلارىنا ۇيلەنۋ ءھام اپالى- ءسىڭىلى ەكى قىزدى بىردەي ايەلدىككە الۋ حارام ەتىلدى. ال بۇدان بۇرىن (ناداندىق داۋىرىندە) بولعان ءىس بولدى. راسىندا، اللا وتە كەشىرىمدى، ەرەكشە مەيىرىمدى» («نيسا» سۇرەسى، 23-ايات) .

وسى اياتتا ايتىلعانداردى جەكە- جەكە قاراستىرساق:

قان جولىمەن حارام بولعاندار

انالارى: ءوزىنىڭ تۋعان اناسى، اجەلەرى.

قىزدارى: تۋعان قىزدارى، نەمەرە- شوبەرەلەرى.

باۋىرلارى: تۋعان، ءبىر اكە، ءبىر انادان تۋعان باۋىرلارى

اكە جاعىنان قارىنداستارى، ناعاشى اپكە قارىنداستارى.

 ءسۇت ەمۋ جولىمەن حارام بولعاندار

ەر جىگىت ءسۇت اناسىمەن جانە ونىڭ قىزدارىمەن ۇيلەنە المايدى.

 پايعامبارىمىز (س. ع. س) بۇل جايىندا بىلاي دەگەن:

«قان جولىمەن حارام بولعاندار ءسۇت جولىمەن دە حارام بولادى» (بۇحاري، ءشاھادات، 7)

 وتاۋ قۇرۋ ناتيجەسىندە پايدا بولعان حارامدىق

قايىن انالار

وگەي قىزدارى

كەلىندەرى

وگەي انالارى

مىنە وسى جوعارىداعى توپتاردا ايتىلعاندار ماڭگىلىككە ءبىر- بىرىنە ۇيلەنبەۋىنە شەشىم شىعارىلعاندار. ال ەندى ءبىر- بىرىنە ۇيلەنبەۋىنە شەشىم شىعارىلعاندار.

«يسلامداعى جانۇيا»

Ihsan.kz