نۇرسۇلتان نازاربايەۆ جاڭا سايلانعان گەرمانيا پرەزيدەنتىن قۇتتىقتادى
قازاقستان پرەزيدەنتى گەرمانيا فەدەراتيۆتىك رەسپۋبليكاسىنىڭ سايلانعان پرەزيدەنتىن قۇتتىقتاپ، وعان زور دەنساۋلىق پەن تابىس، ال دوستاس گەرمانيا حالقىنا بەيبىتشىلىك تىلەپ، ەلدىڭ ودان ءارى ءوسىپ- وركەندەي بەرۋىنە نيەتتەستىك ءبىلدىردى.
«ءسىزدىڭ مول ساياسي تاجىريبەڭىز بەن ديپلوماتيالىق قابىلەت- قارىمىڭىز وتان يگىلىگىنە قىزمەت ەتە بەرەتىنىنە سەنىمدىمىن.
بيىل 25 جىلدىعى اتاپ ءوتىلىپ جاتقان قازاقستان مەن گەرمانيا اراسىنداعى دوستىق پەن سەنىمگە نەگىزدەلگەن ءوزارا قارىم- قاتىناستى نىعايتۋداعى ءسىزدىڭ ەڭبەگىڭىزدى جوعارى باعالايمىز. استانا مەن بەرليندە وتكەن مازمۇندى كەزدەسۋلەرىمىزدى مەن ءاردايىم جىلى سەزىممەن ەسكە الامىن.
قازاقستان بيىل استانادا وتەتىن «ەكسپو-2017» حالىقارالىق كورمەسىنە گەرمانيانىڭ قاتىسۋىن قۇپتايدى. وسىعان وراي، ءسىزدى قازاقستانعا رەسمي ساپارمەن كەلىپ، «ەكسپو-2017» كورمەسىنىڭ قۇرمەتتى قوناعى بولۋعا شاقىرامىن»، - دەلىنگەن جەدەلحاتتا.