قانات يسلامنىڭ جەكپە-جەگىن «قازاقستان» ۇلتتىق ارناسى تىكەلەي ەفيردەن كورسەتەدى

استانا. قازاقپارات - كاسىپقوي بوكستا قازاقستاننىڭ نامىسىن ابىرويمەن قورعاپ جۇرگەن وتانداسىمىز قانات يسلامنىڭ جەكپە-جەگىن «قازاقستان» ۇلتتىق ارناسى تىكەلەي ەفيردەن كورسەتەدى، دەپ حابارلايدى قازاقپارات ءتىلشىسى.

قانات يسلام كاسىپقوي بوكستاعى كەلەسى كەزدەسۋىن نيۋ- دجەرسي شتاتىنداعى نيۋاركا قالاسىندا 17-اقپان كۇنى برازيليالىق بوكسشى روبسون اسسيسقا قارسى وتكىزەدى.

روي دجونستىڭ قاتىسۋىمەن وتەتىن بوكس كەشىندە يسلام 10 راۋندتىق جەكپە-جەك وتكىزەدى. وتانداسىمىزدىڭ جەكپە-جەك كەشىن 18- اقپان كۇنى تاڭعى ساعات 08:00 دەن باستاپ «قازاقستان» ۇلتتىق ارناسى تىكەلەي ەفيردە كورسەتەدى.

برازيليالىق وسى ۋاقىتقا دەيىن وتكىزگەن 19 كەزدەسۋىندە 3 رەت جەڭىلىپ، 16 سىندا جەڭىسكە جەتكەن. 9 جەكپە-جەگىندە قارسىلاسىن نوكاۋتپەن ۇتقان. كاسىپقوي بوكستاعى مانسابىن 2006-جىلى باستاعان.

ال وتانداسىمىز كاسىپقوي بوكستاعى 23-جەكپە-جەگىن وتكىزەدى. ول كاسىپقوي بوكستاعى ءوزىنىڭ سوڭعى جەكپە-جەگىن 29- قازان كۇنى الماتىدا وتكىزىپ، تورەشىلەردىڭ شەشىمى بويىنشا گانالىق پاتريك اللوتەيدەن باسىم تۇسكەن ەدى.

كۇنسۇلتان وتارباي