شتاينمايەر گەرمانيا پرەزيدەنتى بولدى

استانا. قازاقپارات - بۇرىنعى سىرتقى ىستەر ءمينيسترى، سوتسيال- دەموكرات فرانك-ۆالتەر شتاينمايەر گەرمانيا پرەزيدەنتى قىزمەتىنە سايلاندى، دەپ حابارلايدى ر ي ا نوۆوستي.

گەرمانيا پرەزيدەنتى 630 بۋندەستاگ دەپۋتاتتارى مەن 630 فەدەرالدى جەر وكىلدەرىنەن قۇرىلعان فەدەرالدى جيىن سايلايدى. پرەزيدەنت لاۋازىمىنا سايلانۋ ءۇشىن شتاينمايەرگە 631 داۋىس جيناۋ قاجەت بولاتىن. ونىڭ كانديداتۋراسى ءۇشىن 931 ادام داۋىس بەردى. بارلىعى 1239 ادام ءوز تاڭداۋىن جاسادى.

شتاينمايەر ءاۋ باستان-اق پرەزيدەنت لاۋازىمىنا باستى ۇمىتكەرلەردىڭ ءبىرى بولاتىن. ءىس باسىنداعى پرەزيدەنت يواحيم گاۋك جاڭا مەرزىمگە سايلانۋدان باس تارتتى. ول ءوزىنىڭ بۇل ارەكەتىن جاسىنىڭ 77 گە كەلگەندىگىمەن ءتۇسىندىردى.