پحەنچحانداعى قىسقى وليمپيادا قوناقتارىن روبوتتار قارسى الادى

استانا. قازاقپارات - وڭتۇستىك كورەيادا 2018 -جىلى اقپاننىڭ 9 ىنان 25 ى ارالىعىندا وتەتىن قىسقى وليمپيادادا 29 تىلدە سويلەيتىن اۋدارماشى روبوتتار قىزمەت كورسەتەدى.

بۇل تۋرالى Pulse حابارلايدى، دەپ جازدى بۇگىن 24.kz. بۇل روبوتتاردى وڭتۇستىك كورەيالىق كەڭسەلىك باعدارلامالىق قامتاماسىز ەتۋمەن اينالىساتىن Hancom Group جانە Future Robot كومپانيالارى قۇراستىرىپ جاتىر. وندىرۋشىلەردىڭ ايتۋىنشا، ساندىق اۋدارماشىلار ءارتۇرلى ەلدەن كەلگەن مەيمانداردىڭ تىلدەسۋىنە جاردەمدەسەدى. جاساندى وي- ءورىسى بار روبوتتاردى 29 تىلدە «سويلەيتىن» جانە داۋىستاردى اجىراتا الاتىن GenieTalk باعدارلامالىق قامتاماسىز ەتۋمەن جابدىقتالادى. بۇدان باسقا «تەمىر» گيدتەر ادامنىڭ بەت قيمىلىن دا جاساي الادى.