تۇركىمەنستاندا پرەزيدەنتتىك سايلاۋ باستالدى

استانا. قازاقپارات - تۇركىمەنستاندا 07:00 دە (استانا ۋاقىتى بويىنشا 08:00) پرەزيدەنتتىك سايلاۋدى وتكىزۋ ءۇشىن سايلاۋ ۋچاسكەلەرى جۇمىسىن باستادى، دەپ حابارلايدى ر ي ا نوۆوستي.

داۋىس بەرۋ كەشكى 19:00 گە دەيىن جالعاسادى. ەلدە پرەزيدەنت سايلاۋىن وتكىزۋ ءۇشىن 2587 سايلاۋ ۋچاسكەسى جۇمىس ىستەيدى. ونىڭ 39 ى تۇركىمەنستاننىڭ شەت ەلدەردەگى ديپميسسياسىندا اشىلعان. داۋىس بەرۋشىلەردىڭ سانى - 3223455 ادام.