نازاربايەۆا ساراپشىلارمەن پرەزيدەنت جولداۋىن تالقىلادى
تالقىلاۋعا مەملەكەتتىك تالداۋ قۇرىلىمدارىنىڭ، قوعامدىق قورلار مەن ۇكىمەتتىك ەمەس ۇيىمدارىنىڭ وكىلدەرى قاتىستى. كەزدەسۋدە ساراپشىلار جولداۋدىڭ ماڭىزدى ماسەلەلەرىمەن قاتار، بيلىك تارماقتارىنىڭ، ورتالىق پەن ايماقتار اراسىنداعى وكىلەتتىكتەردى قايتا ءبولۋ تۋرالى دا ءوز ويلارىمەن ءبولىستى.
جەرگىلىكتى ءوزىن-ءوزى باسقارۋدى دامىتۋ ماسەلەلەرىنە ەرەكشە نازار اۋدارىلدى. ساراپشىلار ءماسليحاتتار وكىلدىك جانە قۇقىق قالىپتاستىرۋشى مىندەتتەرىن تولىق كولەمدە اتقارا وتىرىپ، وزدەرىنىڭ جەرگىلىكتى جەرلەردى باسقارۋعا بەلسەندى اتسالىسۋى كەرەك ەكەنىنە كەلىستى.
بۇل ولاردىڭ قىزمەتىن قالىپتاستىرۋعا، وكىلەتتىكتەرى مەن قىزمەت رەسۋرستارىنا تالاپتاردى ايعاقتايدى. سوندىقتان قوعامدىق كەڭەستەردىڭ جۇمىس تاجىريبەسىن زەردەلەۋ جانە ەڭ ءتيىمدى ۇلگىلەرىن ونەگە رەتىندە تاراتۋ ۇسىنىلدى.
ساراپشىلار پىكىرسايىس بارىسىندا پارلامەنتتىڭ وكىلەتتىگىن كۇشەيتۋ، دەپۋتاتتار مەن فراكتسيالاردىڭ زاڭنامالىق باستامالارىن تالداۋدى قامتاماسىز ەتۋ، ۇكىمەت زاڭ جوبالارىنا قۇقىقتىق ساراپتاما جاساۋ جونىندە ناقتى ۇسىنىستار ءتۇستى.
ساراپشىلار قابىلدانعان زاڭداردى ىسكە اسىرۋعا جۇرتشىلىقتى تارتۋدا اۋقىمدى ءتۇسىندىرۋ جۇمىستارىن قولعا الۋدىڭ، سونداي-اق مونيتورينگ جۇرگىزۋدىڭ قاجەتتىگىنە نازار اۋداردى.
اۆتور: سەرىك قاراجان