كانادا قار قۇرساۋىندا قالدى
09:04, 11 - اقپان 2017
استانا. قازاقپارات - كانادانىڭ شىعىسىنداعى بىرنەشە ايماق قار قۇرساۋىندا قالدى، دەپ جازادى «حابار 24».
قارلى بوران سالدارىنان حالىقارالىق اۋەجايلاردا اۋە رەيسى كەيىنگە قالدىرىلىپ، جولاۋشىلار دىتتەگەن جەرىنە جەتە المادى. سونداي-اق مەكتەپتە ساباق توقتاتىلدى.
سينوپتيكتەردىڭ بولجاۋىنشا، قالىڭدىعى 40 سانتيمەتر قار ءتۇسىپ، ساعاتىنا ەكپىنى 100 شاقىرىم جىلدامدىقپەن سوعاتىن جەل تۇرۋى مۇمكىن. پوليتسەيلەر تۇرعىندارعا جولعا شىقپاۋدى ەسكەرتتى. ويتكەنى بوران سالدارىنان اينالا كورىنبەي قالعان.