قازاقستاندا ءابىليازوۆتىڭ تاعى ءبىر سىبايلاسى انىقتالدى
13:11, 10 - اقپان 2017
استانا. قازاقپارات - سىبايلاس جەمقورلىققا قارسى ءىس-قيمىل ۇلتتىق بيۋروسى «ب ت ا بانك» ا ق ديرەكتورلار كەڭەسىنىڭ بۇرىنعى ءتوراعاسى ءابىليازوۆ م. , جارىمبەتوۆ ج. د. جانە وزگە دە تۇلعالارعا قاتىستى بانكتىڭ اقشالاي قاراجاتىن جىمقىرۋ فاكتىسى بويىنشا قىلمىستىق ءىستى تەرگەۋدى جالعاستىرۋدا.
تەرگەۋ بارىسىندا ءابىليازوۆتىڭ قازاقستانداعى جاڭا كومەكشىسى ماماي جانبولات ماماي ۇلى ەكەنى انىقتالدى. ول ب ت ا بانكتەن جىمقىرىلعان اقشالاي قاراجاتتىڭ ءبىر بولىگىن «ساياسي كالام: تريبۋنا» گازەتى ارقىلى رەسمي قارجىلىق وپەراتسيالار جۇرگىزۋ جولىمەن جاسىرىپ قالعان.
قازىرگى ۋاقىتتا سىبايلاس جەمقورلىققا قارسى قىزمەت قىلمىستىق قارجىنى زاڭداستىرۋ فاكتىلەرىن راستايتىن قارجىلىق جانە وزگە دە قۇجاتتاردىڭ ورنالاسۋى ىقتيمال ورىندارعا ءتىنتۋ جاساۋ سەكىلدى قاجەتتى تەرگەۋ امالدارىن جۇرگىزۋدە.