كوكشەتاۋدا ىسكەر ايەلدەر ەلباسى جولداۋىن تالقىلادى
فورۋم وڭىردەگى ىسكەر ايەلدەردىڭ پىكىر الماسۋ الاڭى بولىپ تابىلادى. شاراعا وڭىردەگى بيزنەس قۇرىلىمدار، بانك جۇيەسىنىڭ قىزمەتكەرلەرى، جاستار مەن مەملەكەتتىك ەمەس ۇيىمداردىڭ وكىلدەرى، مەملەكەتتىك ورگانداردىڭ قىزمەتكەرلەرى قاتىستى.
فورۋماعا قاتىسۋشىلار ق ر پرەزيدەنتى نۇرسۇلتان نازاربايەۆتىڭ كونستيتۋتسيالىق رەفورمالارى مەن جولداۋدا تۋىنداعان مىندەتتەردى تالقىلاپ، ءوز ويلارىمەن ءبولىستى.
«حالىقارالىق تاجىريبە كورسەتكەندەي، تابىستى مەملەكەتتەردىڭ قاتارىندا بولۋعا ۇمتىلىپ جاتقان ەلدىڭ ىلگەرىلەۋىن قامتاماسىز ەتەتىن مەملەكەتتىك بيلىك تارماقتارىنىڭ ءوزارا ءىس-ارەكەتىنىڭ جۇيەسىن قۇرۋعا زور ماڭىز بەرىلەدى. بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەسى مەملەكەتتىڭ ودان ءارى دامۋىنا ون ىقپال ەتپەك»، دەدى اينا ءمىسىرالىموۆا ءوز سوزىندە.
كاسىپكەرلىك سالاسىندا كورسەتىلىپ جاتقان مەملەكەتتىك قولداۋ شارالارى تۋرالى اقمولا وبلىسى كاسىپكەرلەرىنىڭ پالاتاسى ديرەكتورىنىڭ ورىنباسارى فاتيما گەرفانوۆا ايتىپ بەردى. ال، «اقمولا وبلىسىنىڭ ازاماتتىق اليانسى» زاڭدى تۇلعالار قوعامىنىڭ ءتورايىمى يرينا تەرەنتيەۆا ءوڭىردىڭ الەۋمەتتىك-ەكونوميكالىق دامۋىندا مەملەكەتتىك ەمەس ۇيىمداردىڭ ءرولى تۋرالى اڭگىمە قوزعادى.
اسىرەسە، كاسىپكەرلەرگە مەملەكەتتىك باعدارلاما ارقىلى نەسيە الۋدىڭ جولدارىن تۇسىندىرگەن «سبەربانك» ا ق- نىڭ اقمولا وبلىستىق فيليالىنىڭ ديرەكتورى اسەل ماحمۋدوۆانىڭ بايانداماسى فورۋمعا قاتىسۋشىلاردىڭ قىزىعۋشىلىعىن ارتتىردى.
فورۋمدى قورىتىندىلاعان ىسكەر ايەلدەر ءبىر اۋىزدان ەلباسىنىڭ قازاقستان حالقىنا ارناعان جولداۋى مەن كونستيتۋتسيالىق رەفورمالاردىڭ ماڭىزىن اتاپ ءوتتى.