استاناعا تۇماۋدىڭ ەكىنشى تولقىنى كەلە جاتىر
فەيسبۋكتەگى رەسمي پاراقشاسىندا قالالىق دەنساۋلىق ساقتاۋ باسقارماسى اۋرۋدىڭ الدىن الۋ شارالارىن تاعى ءبىر ەسكە سالدى. دارىگەرلەر سۋىق تيگىزىپ الۋدان ساق بولۋدى، ادام كوپ جينالاتىن ورىنداردا ۇزاق بولماۋدى، دۇرىس تاماقتانۋدى، بەلسەندى ءومىر سالتىن ۇستانۋدى، تازا اۋادا ءجيى سەرۋەندەۋدى، تازالىق ۇستانۋدى، بولمە ءىشىن كۇنىنە 1-2 رەت جۋىپ، اۋاسىن ءجيى كەڭەيتىپ وتىرۋدى ەسكەرتەدى.
«ج ر ۆ ي اۋرۋىنا شالدىققان ادامدارمەن كوپ ارالاسقان جاعدايدا ارنايى مەديتسينالىق ماسكانى تاعۋدى ۇمىتپاۋ قاجەت. جىلى بولمەدە كوپ بولعان كەزدە مۇرىن قۋىسىن ىلعالدى ورامالمەن ءسۇرتۋ كەرەك. ەپيدەميا كەزىندە دالاعا شىعار كەزدە مۇرىنعا وكسولين مايىن جاعۋدى دا ۇمىتپاڭىزدار. سونىمەن قاتار ايازدى كەزەڭ باستالماي تۇرىپ، ءبىر اي بۇرىن تۇماۋعا قارسى ەكپە جاساتۋ ۇسىنىلادى»، - دەلىنگەن حابارلامادا.
ونىڭ ۇستىنە بالالارعا ءجىتى كوڭىل ءبولۋدى، اۋىرىپ قالعان جاعدايدا ناقتى دياگنوستيكا جاساتۋ ماقساتىندا دارىگەرگە كورسەتكەن ءجون، سەبەبى ج ر ۆ ي بەلگىلەرىنە ۇقساس وزگە دە قاۋىپتى اۋرۋلار بار. تۇماۋراتقان ادامداردان اياعى اۋىر جانە قارت ادامداردى الىس ۇستاعان دۇرىس.
اۆتور: جاسۇلان جولدىبايەۆ