تەلەجۋرناليستەردىڭ دەڭگەيى تومەن - مينيستر داۋرەن ابايەۆ
«جۇرگىزىلگەن الەۋمەتتىك ساۋالنامانىڭ قورىتىندىسىنا قاراساق، جارنامانىڭ كوپتىگى، وڭىرلىك كونتەنتتىڭ جوقتىعى، قازاقستان تۋرالى تانىمدىق باعدارلامالاردىڭ ازدىعى جانە قازاقستاندىق تەلەارنالارداعى جۋرناليستەردىڭ كاسىبي دەڭگەيىنىڭ تومەندىگى تۇرعىنداردىڭ نارازىلىعىن تۋعىزادى ەكەن. ءبىزدىڭ تەلەارنالارعا وسى ماسەلەلەر تۋرالى ويلانۋ قاجەت جانە كورەرمەندى تارتۋ ءۇشىن قاجەتتى شارالار جۇرگىزۋى ءتيىس».
وسى ولقىلىقتىڭ ورنىن تولتىرۋ ءۇشىن مينيستر سەريالدار نەگىزىندە تولىقمەتراجدى كارتينالار ءتۇسىرۋدى، قىزمەتكەرلەردىڭ جۇمىس ساپاسىن ارتتىرۋ ءۇشىن KPI جۇيەسىن ەنگىزۋدى، شەكارا ايماعىندا ورنالاسقان ەلدىمەكەندەرگە مەملەكەتتىك راديوارنالاردى تاراتۋدىڭ ساپاسىن ارتتىرۋ قاجەتتىگىن ەسكەرتتى.
«تەلەجۋرناليستەردىڭ دەڭگەيى تومەن» دەگەننەن شىعادى، ارنالارداعى «جۋرناليست» دەپ جۇرگەندەردىڭ كوپشىلىگى - ءارتىس، نە ءانشى. تەلەارنالاردىڭ بارلىعى دەرلىك مۇنى سانگە اينالدىرعان. وسىنداي جولمەن كورەرمەن تارتامىز دەپ ەسەپتەدى.
ەگەر تەلەارنا باسشىلارى «ادەمى ارتىستەردىڭ» ورنىنا تەلەجۋرناليستيكانىڭ نە ەكەنىن جاقسى تۇسىنەتىن كاسىبي مامانداردى السا، كوپ نارسە وزدىگىنەن شەشىلەتىن ەدى.