ولار چانعا العىس ايتىپ، كەرەمەت ساتتەردى ەسكە الدى. دجەكي چانمەن بىرگە قىزمەت ەتكەن كاسكادەرلار ونىمەن بىرگە جۇمىس جاساۋدىڭ ءبىر عانيبەت ەكەنىن مالىمدەدى. ودان بولەك، چان ءوزىنىڭ ءبىرشاما ارىپتەستەرىنە قولۇشىن سوزعان كورىنەدى، كەيبىرەۋلەرىنە ماشينا سىيلاسا، ال تاعى بىرەۋلەرىنە ءۇي ساتىپ الۋ ءۇشىن اقشا بەرىپ تۇرعان.
دجەكي چان كوزىنە جاس الىپ، ۆيدەونى تاماشالاپ وتىرعاندا، ونىڭ بۇرىنعى ارىپتەستەرى وعان بىلدىرمەستەن ساحناعا شىعىپ، جاس كاسكادەرلارمەن ورىن اۋىسادى. دجەكي روليكتى سوڭىنا دەيىن تاماشالاپ بولعاننان سوڭ، بارلىعىنا العىسىن ءبىلدىرىپ: «مەن كينو الەمىندەگى ەڭبەگىم ءۇشىن وسكار السام دا، بۇل ماراپات بارلىعىمىزدىڭ جەمىسىمىز»، - دەدى ول.
چان جاسى كەلگەن كاسكادەرلاردىڭ ورنىن جاستاردىڭ باسىپ جاتقاندىعىن ايتىپ، قولىمەن ارتىندا تۇرعانداردى نۇسقاعاندا، ەسكى دوستارىن كورەدى. ۆيدەو بارلىعىنىڭ قاۋىشىپ، قۋانىشتان كوز جاستارىنا ەرىك بەرگەن ساتىمەن اياقتالادى.