ەگەر 10 جاسار يۋليا ەسىمدى قىزدىڭ باتىل ارەكەتى بولماعاندا، قايعىلى جاعداي ورىن الارى ابدەن مۇمكىن ەدى، دەپ جازادى rambler. ru.
اناسى يۋلياعا 2009، 2011، 2015 -جىلدارى تۋعان ىنىلەرى مەن 2008 جانە 2013 -جىلى تۋعان سىڭلىلەرىن قالدىرىپ، وتىن اكەلۋگە كەتكەن. بالالار ءورت شىققان بولمەدە ويناپ وتىرعان. ت ج م وڭىرلىك باسقارماسىندا ايتقانداي، ءورتتىڭ لاۋلاپ جانعانىن كورگەن قىز قۇتقارىلۋ قاجەتتىگىن تۇسىنەدى. جالىن ءۇيدىڭ شىعا بەرىسىن دە شارپىدى.
سول كەزدە ول بالالاردى شاقىرىپ، جۇدىرىعىمەن تەرەزەنى سىندىرىپ، دالاعا كورپە، كۇرتەشەلەردى لاقتىرىپ، باۋىرلارىن ۇيدەن شىعارا باستايدى. ءبىر جارىم جاستاعى ءىنىسى مەن ءۇش جاستاعى ءسىڭلىسىن جۇگىرىپ جەتكەن كورشىنىڭ قولىنا بەرەدى. ارتىنشا ءوزى ەسىنەن تانىپ قۇلايدى. يۋليا كورشىنىڭ ۇيىندە ەسىن جيادى. تۇرا سالا، قۇتقارىپ ۇلگەرە المادىم با دەپ الاڭداپ، بالالاردى ساناي جونەلدى. ت ج م ايتقانداي، ءۇي تولىقتاي جانىپ كەتكەن. ءورتتىڭ شىعۋىنا سەبەپ - ەلەكتر سىمدارىنىڭ اپاتتى رەجىمى.