ارحانگەلسك وبلىسىندا قىزىل قار جاۋدى
15:51, 08 - اقپان 2017
استانا. قازاقپارات - رەسەيدىڭ ارحانگەلسك وبلىسىنىڭ سۋرا اۋىلىنداعى ۇيلەردىڭ شاتىرىندا قىزىل قار پايدا بولدى.
جەرگىلىكتى تۇرعىندار وسىنداي قۇبىلىستىڭ سەبەبىن زىمىراننىڭ قۇلاۋىمەن بايلانىستىرۋدا. الايدا، پينەجسكي اۋدانىنىڭ اكىمشىلىگى مالىمدەگەندەي، قىزىل قار قىلقان جاپىراقتى اعاشتاردىڭ بۇرشىگى سالدارىنان ورىن الۋى ىقتيمال. ماماندار قىزىل قاردىڭ سىناماسىن م. ۆ. لومونوسوۆ اتىنداعى سولتۇستىك (اركتيكالىق) فەدەرالدى ۋنيۆەرسيتەتىنە ساراپتاما جاساۋعا جىبەرەدى، دەپ حابارلايدى News29.ru.
بۇل وڭىردەگى قاردىڭ ءتۇسى ءبىرىنشى رەت وزگەرىسكە ۇشىراپ تۇرعان جوق. 2008 -جىلى ناۋرىز ايىندا ارحانگەلسك وبلىسىنىڭ بەس اۋدانىندا سارى قار جاۋعان بولاتىن. ول كەزدەگى قاردىڭ ءتۇسى ۆولگوگراد جانە كالمىكيا دالالى اۋداندارىنان كەلگەن جىلى اۋا اعىمىنا بايلانىستى وزگەرىسكە ۇشىراعان. جىلى اۋا ماسساسىمەن بىرگە - شاڭ مەن توپىراق ىلەسىپ كەلگەن كورىنەدى.