ب ۇ ۇ باس حاتشىسى ي م ۇيىمىنىڭ تاكتيكاسىنىڭ وزگەرگەنىن ايتتى
ونىڭ بايانداماسىندا ي م ءوز لاڭكەستىك ارەكەتىن شيەلەنىسكەن اۋماقتاردان تىس وزگە مەملەكەتتەردە بەلسەندىرەك ىسكە اسىرىپ جاتقانى ايتىلعان. گۋتتەريش مىرزانىڭ سوزىنشە، بۇل ءۇشىن ي م وزگە مەملەكەتتەردەگى ءوز جانسىزدارىمەن بايلانىسۋدا.
سوندىقتان، اۋەجايلار مەن ۇشاقتارداعى تەراكتىلەر قاۋپى «جوعارى» بولىپ قالا بەرەدى. سونىمەن بىرگە، ي م لاڭكەستەرى ءوز ءوز جاقتاستارىمەن بايلانىسۋ ءۇشىن جانە جاڭا مۇشەلەردى تارتۋ ءۇشىن شيفرلەۋ، زاڭسىز ۆەبسايتتار مەن مەسسەندجەرلەر سەكىلدى قۇرالداردى پايدالانۋدا، دەپ اتاپ ءوتتى ب ۇ ۇ باس حاتشىسى.
ي م قارجىنىڭ 80 پايىزعا جۋىعىن مۇناي مەن گاز ساتۋدان جانە بوپسالاۋشىلىق پەن قاراقشىلىقتان تابادى.
ەسكە سالا كەتسەك، 2016 -جىلى سيريا مەن يراك حالىقارالىق تەرروريزممەن كۇرەستە ەڭ كۇردەلى ايماقتار بولدى. جىل اياعىندا ەكى ەلدە دە ماسەلە ايقىندالدى. ءبىر جىل بۇرىنعى كۇشتەر تەڭگەرىمى بۇزىلدى جانە يسلام راديكالدارىنىڭ ىرگەسى سوگىلدى.