اتىراۋدا تاەكۆوندودان ەكى بىردەي ازيا چەمپيوناتى وتەدى

استانا. قازاقپارات - IX جاستار اراسىنداعى ازيا چەمپيوناتى مەن پۋمسە بويىنشا IV جاستار اراسىنداعى ازيا چەمپيوناتى اتىراۋ قالاسىندا وتەتىن بولادى، دەپ حابارلايدى dodasport.kz. سايىستار 11-13 -ءساۋىر ارالىعىنا جوسپارلانعان.

ايتا كەتۋ كەرەك، اتىراۋدا تاعى ءبىر ايتۋلى تاەكۆوندو دوداسى، G-1 «Kazakhstan open» - ليتسەنزيالىق تۋرنيرى وتەدى. «اتىراۋ قالاسىندا وسىنداي دەڭگەيدەگى سايىستاردىڭ ءوتۋى قازاقستان ءۇشىن ۇلكەن جەتىستىك. بىزدە دە تاەكۆوندو سپورتى قارقىندى دامۋدا. وليمپيادا چەمپيونى، ءتۇرلى الەمدىك دەڭگەيدە ماماندار شىققان اتىراۋ وبلىسى الەمدىك سايىستاردى قابىلداۋعا دايىن»، - دەيدى اتىراۋ وبلىسى تاەكۆوندو فەدەراتسياسىنىڭ پرەزيدەنتى ارمان توعايەۆ.