شىركەۋدە تەمەكى تۇتاتقان رەسەيلىك قىز تەمىر تورعا قامالۋى مۇمكىن
13:42, 04 - اقپان 2017
استانا. قازاقپارات - شىركەۋ مايشامىنان تەمەكى تۇتاتقان بەلگورود تۇرعىنى ءبىر جىلعا دەيىن باس بوستاندىعىنان ايىرىلۋى مۇمكىن. اتالعان قۇقىقبۇزۋشىلىققا سايكەس وبلىس بويىنشا تەرگەۋ كوميتەتى (ت ك) قىلمىستىق ءىس قوزعادى.
«تەرگەۋ نۇسقاسى بويىنشا، 2016 -جىلدىڭ مامىر ايىندا كۇدىكتى الەۋمەتتىك جەلىدەگى ءوز پاراقشاسىنا عيباداتحانادان تەمەكى تۇتاتقان سۋرەتىن جاريالاپ، دىنگە سەنۋشىلەردىڭ سەزىمدەرىن اياقاستى ەتتى»، - دەپ ءمالىم ەتتى مەكەمەدەن.
باس بوستاندىعىن شەكتەۋدەن بولەك، قىزعا 300 مىڭ رۋبل ايىپپۇل نەمەسە 240 ساعات مىندەتتى جۇمىستار تۇرىندە جازا تاعايىندالۋى مۇمكىن. قىزدىڭ ەسىمى اتالعان جوق.