كاسىپكەرلەردىڭ ۇستىنەن نەگىزسىز قىلمىستىق ءىس قوزعاعاندار جازالانۋى ءتيىس - پرەمەر- مينيستر
دەپ حابارلايدى قازاقپارات.
«مەملەكەت باسشىسى تارابىنان سالىق ورگاندارىنىڭ قىزمەتىنە قاتىستى دا سىن كوپ بولدى. بۇل نەگىزسىز تەكسەرۋلەر مەن تاجىريبەدە سالىق زاڭناماسىن قولدانۋدىڭ قيىندىعىن قاتىستى. باقىت تۇرلىحان ۇلى (قارجى ءمينيسترى سۇلتانوۆ)، سىزگە مەملەكەتتىك كىرىستەر كوميتەتىنىڭ جۇمىسىن بيزنەستى تەكسەرۋدى وڭتايلاندىرۋ باعىتىندا ىڭعايلاۋ قاجەت. 1 ايدىڭ ىشىندە باس پروكۋراتۋرامەن بىرلەسىپ، نەگىزسىز قوزعالعان قىلمىستىق ىستەردىڭ ءمان- جايىن انىقتاڭىز. مۇنداي ىستەردى قوزعاعاندار جازالانۋى ءتيىس»، - دەدى پرەمەر- مينيستر.
«كەشە رەسپۋبليكادا باقىلاۋ- قاداعالاۋ قىزمەتىن 61 ۆەدومستۆو جۇرگىزەتىندىگى ايتىلدى. ونىڭ 45- ءى - ورتالىق مەكەمە. كاسىپكەرلەرگە 28 مىڭنان استام تالاپ قويىلادى. وسىعان وراي 1 ايدىڭ ىشىندە ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن جانە «اتامەكەن» ۇلتتىق كاسىپكەرلەر پالاتاسىمەن بىرلەسىپ، بارلىق باقىلاۋ- قاداعالاۋ قىزمەتتەرىنە ريەۆيزيا جۇرگىزىپ، ۇكىمەتكە ۇسىنىس ەنگىزۋدى تاپسىرامىن»، - دەدى ساعىنتايەۆ.
وسى رەتتە ۇكىمەت باسشىسى ەڭ الدىمەن بيزنەسكە قويىلىپ وتىرعان وتە جوعارى تالاپتار مەن اكىمشىلىك كەدەرگىلەردى قىسقارتۋ قاجەتتىگىن ەسكەرتتى.
«زاڭنامالىق اكتىلەرگە بارلىق وزگەرتۋلەردى 1 جىلدىڭ ىشىندە قابىلداۋ قاجەت. سونىمەن قاتار تەكسەرۋشى ورگاندارىنىڭ سانىن قىسقارتۋعا قاتىستى دا ۇسىنىس ەنگىزىلۋى ءتيىس»، - دەدى ول.
ايتا كەتەيىك، كەشە ەلباسى نۇرسۇلتان نازاربايەۆ بيزنەسمەندەرگە سەبەپسىز قىلمىستىق ءىس قوزعاعان ورگانداردىڭ قىزمەتكەرلەرىن جۇمىستان بوساتۋدى تالاپ ەتكەن بولاتىن
اۆتور: مارلان جيەمباي