قىرعىزستانداعى جەرگىلىكتى قازاقتار نازاربايەۆتىڭ جولداۋىنا پىكىر ءبىلدىردى

بىشكەك. قازاقپارات - ب ا ق- تا قىزۋ تالقىعا تۇسكەن قازاقستان پرەزيدەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنا شەتەلدىك ساراپشىلار، سونىڭ ىشىندە شەتەلدە تۇراتىن قانداستارىمىز دا پىكىر بىلدىرۋدە.

تانىمال قىرعىز قوعامىنىڭ قايراتكەرى، «قىرعىزستانداعى قازاقتار قاۋىمداستىعى» ساياسي كەڭەسىنىڭ مۇشەسى، زاپاستاعى گەنەرال-مايور ماليك جۇماعۇلوۆ «قازاقپارات» ح ا ا- نىڭ بىشكەكتەگى مەنشىكتى تىلشىسىنە بەرگەن سۇحباتىندا ءوز پىكىرىمەن ءبولىستى.

«ءوزىمنىڭ تاريحي وتانىمداعى جاڭالىقتاردى ءاردايىم نازاردان تىس قالدىرمايمىن. قازاقستان پرەزيدەنتى نۇرسۇلتان ءابىش ۇلى نازاربايەۆتىڭ جولداۋىمەن ءجىتى تانىستىم. بۇل جاھاندىق ەكونوميكا جانە ساياسي ۇدەرىستەر مەن بولجامداردى ساراپتاۋدىڭ نەگىزىندە دايىندالعان، ۋاقتىلى شىققان ماڭىزدى قۇجات ەكەندىگىن اتاپ وتكىم كەلەدى»، - دەدى گەنەرال.

گەنەرال تاۋەلسىز قازاقستاننىڭ 25 جىل ىشىندە قول جەتكىزگەن جەتىستىگىن تىلگە تيەك ەتە وتىرىپ، «قازاقستاننىڭ ءۇشىنشى جاڭعىرتىلىمى» باعدارلاماسىنىڭ - ن. نازاربايەۆتىڭ وزىق جۇمىس جاساپ جاتقاندىعىنىڭ ايعاعى ەكەندىگىن اتاپ ءوتتى.