ديماشتىڭ قىتايلىق الەۋمەتتىك جەلىدەگى پاراقشاسىنا جازىلۋشىلار سانى ميلليوننان استى
«ۆيبو» - قىتايلىقتاردىڭ ەڭ كوپ قولداناتىن الەۋمەتتىك جەلىسى. ءانشى جەلىدەگى زاڭدى پاراقشاسىن قاڭتاردىڭ 9 - كۇنى اشقان بولاتىن. سونىمەن بىرگە «ۆيبو» جەلىسىندە ديماشقا جانكۇيەرلىك ەتەتىن توپتار دا قۇرىلعان. سولاردىڭ ءبىرى «ديماشتىڭ الەمدىك جانكۇيەرلەرى» دەپ اتالاتىن توپقا 14095 ادام قوسىلعان.
ايتا كەتەيىك، كەشە جاريالانعان رەسەيلىك تانىمال ءانشىسى ۆيتاستىڭ انىنە يەلىك ەتۋشى «پۋدوۆكين» پروديۋسەرلىك ورتالىعىنىڭ حۋنان تەلەارناسىنا جازعان شاعىمىنان كەيىن، قىتايلىق جەلى پايدالانۋشىلار پىكىرى ەكىگە جارىلدى. ولاردىڭ ءبىر بولىگى ديماشقا قولداۋ بىلدىرسە، ەندى ءبىر بولىگى ۆيتاسقا جانكۇيەرلىك ەتكەن.
ەسكە سالايىق، ديماش جوبانىڭ ءبىرىنشى كەزەڭىندە فرانسۋزداردىڭ ورىندالۋى قيىن ايگىلى «SOS d'un terrien en détressە» ءانىن شىرقاپ كورەرمەندەردى ءتانتى ەتتى. العاشقى ەفيردەن كەيىن ونىڭ Sina Weibo الەۋمەتتىك ميكروبلوگىنا جازىلۋشىلاردىڭ سانى 35 مىڭنان ءبىر ساعاتتا 118 مىڭعا جەتكەن بولاتىن.
اۆتور: ريزابەك نۇسىپبەك ۇلى