مينيستر قاسىموۆ سوتتالعانداردى ءدىني ساۋىقتىرۋدان وتكىزەتىن بولدى
«ەلباسىنىڭ جولداۋداعى تاپسىرمالارىنا وراي، تەرروريزممەن كۇرەس شارالارىن كۇشەيتۋ كەرەك. پرەزيدەنت قوعامدا راديكالدى قۇبىلىستارمەن بايلانىستى قىلمىستارعا «مۇلدە توزبەۋ» پرينتسيپىن قالىپتاستىرۋدى تاپسىردى. سوندىقتان، ءدىن ىستەرى جانە ازاماتتىق قوعام مينيسترلىگىنە ءدىني ەكسترەميزمدى ەسكەرتۋ جۇمىستارىن ناسيحاتتاۋدى جانە قوعامدا ۇنەمى، ءۇزىلىسسىز ءتۇسىندىرۋ شارالارىن جۇرگىزۋدى تاپسىرامىن»، - دەدى ساعىنتايەۆ.
پرەمەر-مينيستر سونداي-اق، تەرروريزمنىڭ الدىن الۋدا قاماۋداعى ادامدارمەن دە جۇيەلى تۇردە جۇمىس ىستەۋدىڭ ماڭىزدىلىعىن اتاپ ءوتتى. «قالمۇحانبەت نۇرمۇحانبەت ۇلى (ىشكى ىستەر ءمينيسترى - قالمۇحانبەت قاسىموۆ) قاماۋ مەكەمەلەرىندە سوتتالعان ازاماتتاردى تەولوگيالىق ساۋىقتىرۋدان وتكىزۋ كەرەك»، - دەدى ىشكى ىستەر مينيسترىنە تاپسىرما بەرگەن ۇكىمەت باسشىسى.
اۆتور: كەنجەكەي توقتامۇرات قىزى