قوستانايدىڭ جوعارى لاۋازىمدى پوليتسەيى جۇمىستان شەتتەتىلدى
15:14, 31 - قاڭتار 2017
قوستاناي. قازاقپارات - قوستاناي وبلىسى ءى ءى د جەكە قاۋىپسىزدىك باسقارماسىنىڭ باسشىسى جاراسحان اقبەرديەۆ قىزمەتتىك تەرگەۋدىڭ جۇرگىزىلۋىنە بايلانىستى ءوز قىزمەتىنەن شەتتەتىلدى.
بۇل تۋرالى قازاقپارات ءتىلشىسى حابارلايدى.
قوستاناي وبلىسى ءى ءى د جوعارى لاۋازىمدى ارىپتەستەرىنىڭ جاۋاپكەرشىلىككە تارتىلعانى تۋرالى اقپاراتتى تەرىسكە شىعارمايدى، الايدا بۇل تۋرالى بارلىق مالىمەتتەردىڭ «ءى ءى د قۇزىرىنان تىس» ەكەنىن باسا ايتۋدا.
قازاقپاراتقا سۇحبات بەرۋشىنىڭ سوزىنە قاراعاندا، اقبەرديەۆ دوستارىمەن بىرگە «مەدەۋ» دەمالىس كەشەنىندە جانجال شىعارعان. ساۋنانىڭ ەسىگى سىنادى. وقيعا ورنىنا پوليتسيا جاساعى كەلىپ، بۇزاقىلىق ءىس- ارەكەت تۋرالى حاتتاما تولتىرعان.