ديماش قۇدايبەرگەنوۆ قىتاي كوشەلەرىندە كۇزەتپەن جۇرۋگە ءماجبۇر - كەسكىن
06:25, 25 - قاڭتار 2017
استانا. قازاقپارات - قىتايداعى «Singer - 2017» ءان بايقاۋىندا باق سىناپ جاتقان وتانداسىمىز ديماش قۇدايبەرگەنوۆتىڭ تابىنۋشىلارى كۇن ساناپ كوبەيۋدە.
ولاردىڭ كوپتىگى سونشالىق، دارىندى ءانشى قىتاي كوشەلەرىندە اياق الىپ جۇرۋدەن قالدى. بايقاۋ ۇيىمداستىرۋشىلارى ديماشتىڭ اينالاسىنا كۇزەت قويۋعا ءماجبۇر بولعان. ءانشىنىڭ دوسى الپامىس ءشارىموۆ ينستاگرام جەلىسىندە ديماشتىڭ 4 كۇزەتشىسى، 2 جەكە اكىمگەرى جانە جەكە ستيليسىنىڭ فوتوسۋرەتىن جاريالادى. «ديماشتىڭ ءبىر عانا ەفيرى وسىنداي تانىمالدىلىق الىپ كەلدى. ءار جەردەن «ديماسي»، «حاساكىستان»، «حاساكىدى شىبان (قازاقتىڭ قاناتى)» دەگەن سوزدەردى ەستىگەندە قىزىق سەزىمگە بولەنەدى ەكەنسىڭ»، - دەپ جازدى ا. ءشارىموۆ. ءوز كەزەگىندە ديماش ەلدەن جىراقتا دەمەۋ بوپ، قاسىندا جۇرگەن جان دوسىنا ءوز العىسىن ءبىلدىردى.
اۆتور: ايجان سەرىكجان قىزى