ادىلەت ءمينيسترى قىلمىس جاساعان بالالارعا ارنالعان مەكتەپتى ءبىلىم مينيسترلىگىنىڭ قاراۋىنا بەرۋدى ۇسىندى

استانا. قازاقپارات - ق ر ادىلەت ءمينيسترى مارات بەكەتايەۆ ءبىلىم جانە عىلىم مينيسترلىگىنىڭ قاراۋىنا اسا اۋىر قىلمىس جاساعان بالالارعا ارنالعان مەكتەپتى بەرۋدى ۇسىندى، دەپ حابارلايدى قازاقپارات.

«ءتۇرلى دەڭگەيلەردە ۇستانىمىمدى بىرنەشە رەت ايتقان بولاتىنمىن. جالعىز بالالار كولونياسىن ىشكى ىستەر مينيسترلىگىنەن ق ر ب ع م- گە بەرۋ ماسەلەسىن تاعى ويلاستىرۋدىڭ ۋاقىتى جەتكەن سياقتى. تۇرمە جۇيەسىنىڭ وزىندىك ەرەكشەلىكتەرى بار. بالالار كولونياسىندا جۇمىس ىستەگەن قىزمەتكەر ارى قاراي مانسابىن جالعاستىرىپ، ەرەسەكتەر كولونياسىنا باسشىلىققا بارادى. وتريادتار باستىقتارى ەرەسەكتەر مەكەمەسىنەن بالالار كولونياسىنا اۋىسىپ جاتادى جانە كەرىسىنشە اۋىس- تۇيىستەر جالعاسۋدا. ياعني، ەرەسەكتەرمەن جۇمىس ىستەگەندەر كەلەسى كۇنى بالالاردىڭ تارتىبىنە قاراپ جۇرەدى. بۇنداي قادامدار دۇرىس ەمەس سەكىلدى. سوندىقتان ءبىلىم جانە عىلىم مينيسترلىگى تاعى دا ءبىر رەت وسى ماسەلەنى ويلاستىرۋى كەرەك دەگەن ۇسىنىس بار»، - دەدى مينيستر ق ر ادىلەت مينيسترلىگىندە وتكەن زاڭ جوبالىق قىزمەتتەر ماسەلەسى بويىنشا ۆەدومستۆوارالىق كوميسسيانىڭ وتىرىسىندا.

كەيىننەن بريفينگ بارىسىندا ق ر ب ع م بالالاردىڭ قۇقىقتارىن قورعاۋ كوميتەتىنىڭ ءتورايىمى زابيرا ورازالييەۆا بۇگىندە قازاقستاندا كولونيالار جاعدايىنا تەڭەستەرىلگەن جالعىز ارنايى مەكتەپ شقو- دا ورنالاسقانىن اتاپ ءوتتى. وندا اسا اۋىر قىلمىس جاساعان 14-18 جاس ارالىعىنداعى بالالار ءتالىم الۋدا.

«بۇل مەكتەپتىڭ شتاتىندا كولونياداعى سەكىلدى كۇزەت قىزمەتى بار. ونى ءى ءى م- نەن ب ع م- گە بەرۋ تۋرالى ماسەلە بىرنەشە مارتە ۇكىمەت دەڭگەيىندە تالقىلانعان بولاتىن. قازىرگى كەزەڭدە ساراپشىلار مەكتەپتى ىشكى ىستەر مينيسترلىگىنە قالدىرۋ شەشىمىن جاسادى. ول جەردە اسا اۋىر قىلمىس جاساعان بالالار ورنالاستىرىلعان. (...) وسىنداعى ەرەكشە رەجىمدى ءبىلىم مينيسترلىگى قامتاماسىز ەتە المايدى. ياعني، وندا ءتيىستى قاداعالاۋ مەن كۇزەت شارالارى ەسكەرىلمەي قالۋى ىقتيمال»، - دەدى ز. ورازاليەۆا.

كوميتەت مالىمەتىنشە، بۇل مەكەمەگە باراتىن بالالاردىڭ سانى ايتارلىقتاي ازايعان. 2015 -جىلى مەكتەپتە 197 بالا بولسا، 2016 -جىلى 22 بالا تاربيەلەندى.

«رەسپۋبليكا بويىنشا بۇل جالعىز مەكتەپ بولعاندىقتان، بارشا وڭىرلەردەن اسا اۋىر قىلمىس جاساعان بالالار سوندا جەتكىزىلەتىنى بەلگىلى. سوڭعى جىلدارى وندا بالالار سانى كۇرت ازايدى، سونداي-اق 2016 -جىلى تەك قانا ەكى بالا بولعان كەزدە مەكتەپتى جاۋىپ تاستاۋ ماسەلەسى دە كوتەرىلدى»، - دەدى كوميتەت باسشىسى.