قازاقستاندا بەس بانك ءبىلىم الۋعا نەسيە بەرەدى
بۇل وتكەن جىلعىمەن سالىستىرعاندا پايىز 6,5 ارتىق، دەپ جازادى «ەگەمەن قازاقستان» finprom.kz سايتىنا سىلتەمە جاساپ.
وتكەن جىلدارى اقىلى وقيتىن ستۋدەنتتەر سانى جالپى ستۋدەنتتەر سانىمەن بىرگە ازايعان. وعان ەلدەگى دەموگرافيالىق جاعداي سەبەپ. ياعني، 19-24 جاس ارالىعىنداعى جاستاردىڭ سانى الدىڭعى جىلدارى از بولاعىن انىق.
اقىلى وقىعان ستۋدەنتتەردىڭ تەك 1 پايىزى عانا كومپانيالار ەسەبىنەن ءبىلىم العان. قالعاندارى وزدەرى تولەگەن. اقىلى ءبىلىم الاتىنداردىڭ باسىم كوپشىلىگى (29 پايىز ) ءبىلىم بەرۋ سالاسىندا بولسا، 19,8 پايىزى الەۋمەتتىك عىلىمدار، ەكونوميكا مەن بيزنەس، ال 16,7 پايىز - ى تەحنيكالىق ماماندىقتار، تاعى 14,1 پايىزى زاڭگەرلىك.
ال گرانت بويىنشا ءبىلىم العانداردىڭ كوپشىلىگى 37,7 پايىزى تەحنيكالىق سالالار، 20,5 پايىزى دەنساۋلىق ساقتاۋ جانە الەۋمەتتىك قامسىزداندىرۋ، تاعى 17,5 پايىزى ءبىلىم بەرۋ سالاسىنا تيەسىلى.
گرانتقا تۇسە الماعان ستۋدەنتتەر ق ر ب ع م- نىڭ «قارجى ورتالىعى» ا ق كەپىلدىگىمەن مەملەكەتتىك ءبىلىم بەرۋ نەسيەسىن كەپىلدەندىرۋ باعدارلاماسى بويىنشا نەسيە راسىمدەي الادى. وعان وقۋدىڭ بارلىق فورماسى بويىنشا نەسيە راسىمدەلەدى.
ءبىلىم بەرۋ نەسيەسىن ەلدەگى بەس بانك: سبەربانك، نۇربانك، حالىق بانكى، Forte جانە Tengri بانكتەرى ۇسىنادى. دەگەنمەن، ءقازىر حالىق بانك بۇل قىزمەتتى ۋاقىتشا توقتاتسا، ForteBank تيەك تۇرار رىسقۇلوۆ اتىنداعى قاز ە ۋ- مەن عانا جۇمىس ىستەيدى.
سبەربانكتىڭ نەسيەسىن جابۋعا بەرىلەتىن ماكسيمالدى مەرزىمى 144 اي، قالعان بانكتەردىكى 120 اي.
بۇلاردىڭ ۇشەۋى ماكسيمالدى قارجى كولەمىن اتادى. Tengri Bank 6 ميلليون تەڭگەگە دەيىن نەسيە بەرسە، نۇربانك 5 ميلليون تەڭگە، ال ForteBank 3 ميلليون تەڭگەگە دەيىن نەسيە ۇسىنادى. سبەربانك بولسا، وقۋدىڭ 100 پايىزىن تولەۋگە كەلىسەدى. ال حالىق بانك تەك وقۋ اقىسىنىڭ 70 پايىزىن كوتەرەدى.