عالىمدار اشىعۋ ارقىلى ادامنىڭ ۇزاق ءومىر سۇرۋگە بولاتىنىن انىقتادى

استانا. قازاقپارات - ماديسونداعى ۆيسكونسين ۋنيۆەرسيتەتى مەن ۇلتتىق ينستيتۋت ماماندارى تومەن كالوريالى ديەتانىڭ ادامنىڭ ۇزاق ءومىر سۇرۋىنە كومەكتەسەتىنىن انىقتادى.

ماماندار مايمىلدارعا وسىنداي ەكى زەرتتەۋ جۇرگىزگەن. ءبىراق زەرتتەۋ قورىتىندىسىنىڭ پريمات مايمىلدارىمەن قانشالىقتى بايلانىستى ەكەنى بەلگىسىز. پريماتتار مەن ماكاكالار فيزيولوگيالىق، انوتوميالىق، بيولوگيالىق قاسيەتتەرىنە قاراي Homo sapiens توبىنا جاتادى. 1980 -جىلداردىڭ سوڭىندا ءىرى زەرتتەۋ ماكاكا مايمىلدارىنا جۇرگىزىلدى. بۇل مايمىلداردىڭ گەنى اداممەن 93 پايىزعا سايكەس كەلەدى.

مايمىلداردىڭ قۇندىلى از تاعام جەۋ ارقىلى ءتۇرلى دەرتكە شالدىقپايتىندارى بەلگىلى بولدى.

ءبىرىنشى زەرتتەۋ 76 مايمىلعا جۇرگىزىلدى. ەكىنشى زەرتتەۋگە 121 مايمىل قاتىستى. ءبىراق ەكى زەرتتەۋ قورىتىندىسى ەكى ءتۇرلى بولىپ شىقتى. انىقتاي كەلە NIA ماماندارىنىڭ از كالوريا تاعامداردى جاس مايمىلدارعا بەرگەنى بەلگىلى بولدى. ال، نەگىزىندە قۇندىلىعى از تاعامدار ەرەسەك جانە ەگدە مايمىلدار ءۇشىن پايدالى. سونىمەن قاتار بىرىنشە زەرتتەۋدەگى ماكاكالارعا قانت قوسىلعان جوعارى كلوريالى تاعام بەرىلگەنى انىقتالدى.

ەكى ايىرماشىلىقتى زەرتتەي كەلە ماماندار كالوريادان تىيىلۋ 30 پايىزعا ۇزاق ءومىر سۇرۋگە كومەكتەسەدى دەگەن توقتام جاسادى. ودان بولەك جۇرەك- قانتامىر اۋرۋى مەن قاتەرلى دەرتكە قارسى تۇرۋعا اسەر ەتەدى.

ماماندار مۇنداي زەرتتەۋدى ادامدارعا جۇرگىزۋدى جوسپارلاپ وتىرعان جوق. ءبىراق ولار زەرتتەۋ قورىتىندىسىنىڭ ادام ءومىرىن ۇزارتاتىن ديەتالاردى تاڭداۋعا كومەكتەسەتىنىن ايتادى.

Stan.kz