شىمكەنت قالاسىنىڭ اكىمى اۋىسا ما
16:33, 18 - قاڭتار 2017
شىمكەنت. قازاقپارات - شىمكەنت قالاسى اكىمى عابيدوللا ءابدىراحىموۆ قىزمەتىنەن كەتپەيدى، دەپ حابارلايدى قازاقپارات ءتىلشىسى اكىمنىڭ كەڭەسشىسى - باسپا ءسوز قىزمەتىنىڭ جەتەكشىسىنە سىلتەمە جاساپ.
باسپا ءسوز حاتشىسى ايگەرىم جۇماعۇلوۆا شىمكەنتتىڭ اكىمى عابيدوللا ءابدىراحىموۆ قاڭتار ايىنىڭ باسىندا 12 كۇندىك ەڭبەك دەمالىسىن العانىن، ال كەشە جۇمىسقا قايتا ورالعانىن ايتادى. سونداي-اق، ول ءبىرقاتار باسپا ءسوز بەتتەرىندە ايتىلىپ قالعان اۋىس-ءتۇيىس ماسەلەسىنىڭ كۇن تارتىبىندە جوق ەكەندىگىن دە جەتكىزدى. «اكىم ەشقايدا اۋىسپايدى، دەمالىستان كەيىن تىڭ كۇشتە، تولىق جۇمىسقا كىرىستى»، - دەدى باسپا ءسوز قىزمەتى جەتەكشىسى.
ەرلان ءجۇنىسباي ۇلى