گەرمانيا پانا سۇراعانداردىڭ ءوتىنىشىن قاراۋدى تەزدەتپەك

استانا. قازاقپارات -گەرمانيا وزىنەن پانالاتۋدى سۇراعانداردىڭ ءوتىنىشىن قاراۋدى تەزدەتەدى جانە بيىل وسىعان دەيىن بەرىلگەن 430 مىڭ ءوتىنىش بويىنشا ءتيىستى شەشىم شىعارۋدى جوسپارلاپ وتىر.

بۇل تۋرالى گەرمانيا كوشى- قون جانە بوسقىندار ماسەلەسى جونىندەگى فەدەرالدىق مەكەمەسىنىڭ باسشىسى يۋتتا كوردت مالىمدەگەن.

Deutsche Welle باسىلىمىنىڭ حابارلاۋىنشا، اتالعان مەكەمە 2016 -جىلى 700 مىڭنان استام ءوتىنىشتى وڭدەگەن. بۇل ۋاقىتتا ەلگە 280 مىڭعا جۋىق ميگرانت كەلگەن.

2015 -جىلعى ميگراتسيالىق داعدارىس كەزىندە افريكا مەن تاياۋ شىعىس ەلدەرىنەن كەلگەن وتە كوپ بوسقىندى قابىلداۋى گەرمانيادا قاۋىپسىزدىك سالاسىندا كۇردەلى جاعداي قالىپتاسۋىنا اسەر ەتكەن. ەلدە تەررورلىق قاۋىپ- قاتەر دەڭگەيى ارتقان سوڭ بيلىكتىڭ ميگرانتتاردى قابىلداۋى بىرنەشە مارتە سىنعا ۇشىراپ، ۇكىمەت بوسقىن مارتەبەسىن بەرۋ ءتارتىبى مەن شەكاراداعى باقىلاۋدى قاتاڭداتقان.

«ازاتتىق» جاڭالىقتارى