تايلاندتاعى اۆياشوۋدا جويعىش ۇشاق اپاتقا ۇشىرادى - كەسكىن
17:29, 14 - قاڭتار 2017
استانا. قازاقپارات - ۇلتتىق بالالار كۇنىن مەرەكەلەۋ كەزىندەگى اۆياشوۋدا تايلاند اۋە قارۋلى كۇشتەرىنىڭ JAS 39 Gripen جويعىش ۇشاعى اپاتقا ۇشىراپ، ۇشقىش قازا تاپتى.
بۇل تۋرالى Bangkok Post حابارلايدى.
وقيعا جەرگىلىكتى ۋاقىتپەن ساعات 09:27-دە سونگكحلا پروۆينتسياسى، حاتياي قالاسىندا بولعان. جويعىش ۇشاق قۇلاعان ساتتە جارىلىپ، تولىقتاي جانىپ كەتكەن.
ۇشۋ- قونۋ جولاعىن تازارتۋ ءۇشىن جەرگىلىكتى اۋەجاي ۋاقىتشا جابىلدى، بارلىق ۇشاقتار باسقا اۋە ايلاعىنا باعىتتالدى، دەپ حابارلادى جەرگىلىكتى باق.
اۋە قارۋلى كۇشتەرىنىڭ قولباسشىلىعى ت ج تەرگەۋ ءۇشىن كوميسسيا قۇردى. تايلاندتىڭ پرەمەر- ءمينيسترى پرايۋت چان- وچا قازا تاپقان ۇشقىشتىڭ وتباسىنا كوڭىل ايتتى.