اقتوبەلىك جىگىت كرانمەن كوتەرىلىپ، قىزىنا تەرەزەدەن سەزىمىن ءبىلدىردى - كەسكىن

استانا. قازاقپارات - اقتوبەلىك جىگىت ءوز سۇيىكتىسىنە سەزىمىن ەلدەن ەرەكشە جولمەن ءبىلدىردى.

بۇل تۋرالى Instagram-داعى aktobe_zello پاراقشاسىندا حابارلاندى.

اقتوبەدەگى ساڭكىباي باتىر كوشەسىندە بولعان بۇل وقيعاعا ارۋدىڭ كورشىلەرى مەن كوشەدەن ءوتىپ بارا جاتقان ادامدار كۋا بولعان. جىگىت ءوز سەزىمىن ءبىلدىرۋ ءۇشىن قولىنا ءبىر شوق گۇل مەن شار ۇستاپ، كراننىڭ كومەگىمەن ءۇشىنشى قاباتقا كوتەرىلگەن. وسى ساتكە كۋا بولعان ادامدار عاشىق جىگىتكە قوشامەت كورسەتىپ، قيقۋلاپ سالا بەرگەن.

«مەن اسحات پەن قۇرالايدىڭ قارىم- قاتىناستارىنا كۋا بولىپ كەلە جاتقان جانداردىڭ ءبىرىمىن. ەكەۋى قول ۇستاسقالى ماحاباتتىڭ وتەتىن سىناقتارىنان ءوتتى، ال قۋانىشتى كۇندەرى بولەك اڭگىمە عوي. بولاشاق دارىگەرلەر. قۇرالاي، التىنىم بۇگىنگى كۇنىڭ وسىنداي ۇمىتىلماستاي بوپ وتكەنىنە، قۋانىشىڭا ورتاقپىن!!! باقىتتى وتباسى بولۋلارىڭا تىلەۋلەسپىن! اسحات سەنى باقىتتى ەتەدى دە عوي، كۋامىن، سەنىمدىمىن!» دەگەن پىكىر قالدىردى _abaikyzy_ اتتى جەلى قولدانۋشىسى.

 اۆتور: ەربول جانات

 

 

 

Предложения руки и сердце, пр. Санкибай-Батыра 13.01.2017

A video posted by Aktobe Zello - Official Page (@aktobe_zello) on Jan 13, 2017 at 5:53am PST