ىستانبۇلدا التى قاباتتى تۇرعىن ءۇي قۇلادى - كەسكىن
21:01, 13 - قاڭتار 2017
استانا. قازاقپارات - ىستانبۇلدىڭ زەيتينبۋرنۋ اۋدانىندا التى قاباتتى عيمارات قۇلاپ قالدى. سالدارىنان 1 ادام قازا تاۋىپ، بەسەۋى جاراقاتتاندى، دەپ حابارلايدى ر ي ا نوۆوستي.
ءۇي اپاتتى جاعدايدا بولعان كورىنەدى، قۇلاعان كەزدە عيماراتتىڭ ءىشى بوس بولعان، عيماراتتىڭ قاسىنان ءوتىپ بارا جاتقاندار زارداپ شەككەن.
وقيعا ورنىنا قۇتقارۋشىلار مەن جەدەل جاردەم كولىگى كەلدى. ب ا ق- تىڭ حابارلاۋىنشا، ءۇيىندىنىڭ استىندا ادامدار بولۋى مۇمكىن.